សិក្ខាសាលាវាយនភណ្ឌ និងកាត់ដេរប្រពៃណីអាស៊ានគឺជាសកម្មភាពមួយដែលធ្វើឡើងរៀងរាល់ពីរឆ្នាំម្តង។ នេះជាឆ្នាំដំបូងដែលឡាវធ្វើជាម្ចាស់ផ្ទះនៃសិក្ខាសាលានេះ។ ថ្លែងមតិជាមួយគណៈប្រតិភូដែលចូលរួមសិក្ខាសាលា លោកស្រី Ngo Phuong Ly បានវាយតម្លៃខ្ពស់ចំពោះធម្មជាតិ និងសារៈសំខាន់នៃសិក្ខាសាលាវាយនភណ្ឌនិងកាត់ដេរ ប្រពៃណីអាស៊ានលើកទី៩ ក៏ដូចជាភាពស្រស់ស្អាត និងភាពវិសេសវិសាលនៃផលិតផលដែលដាក់តាំងបង្ហាញនៅក្នុងសិក្ខាសាលា។ លោកស្រីបានអះអាងថា ការរៀបចំសិក្ខាសាលាវាយនភ័ណ្ឌ និងកាត់ដេរប្រពៃណីប្រកបដោយជោគជ័យនឹងរួមចំណែកដល់ភាពជោគជ័យនៃឆ្នាំប្រធានអាស៊ាន បង្កើតលក្ខខណ្ឌដើម្បីបង្កើនការផ្លាស់ប្តូរ និងកិច្ចសហប្រតិបត្តិការរវាងប្រជាជននៃបណ្តាប្រទេសអាស៊ាន ទន្ទឹមនឹងការលើកកម្ពស់ និងអភិរក្សវិស័យវាយនភណ្ឌនិងកាត់ដេរប្រពៃណីរបស់បណ្តាប្រទេស។

លោកស្រី Ngo Phuong Ly ភរិយាអគ្គលេខាបក្ស លោក តូ ឡឹម  និងលោកស្រី Naly Sisoulith ភរិយាអគ្គលេខាបក្ស ប្រធានរដ្ឋឡាវ លោក Thongloun Sisoulith អញ្ជើញចូលរួមសិក្ខាសាលាវាយនភណ្ឌនិងកាត់ដេរប្រពៃណីអាស៊ានលើកទី៩ (រូបថត៖ Tuan Tran/VOV)

ក្នុងក្របខ័ណ្ឌនៃដំណើរបំពេញទស្សនកិច្ចនៅប្រទេសឡាវ លោកជំទាវ Ngo Phuong Ly និងលោកជំទាវ Naly Sisoulith បានទៅទស្សនាកន្លែងតាំងបង្ហាញផលិតផលសូត្រប្រពៃណី និងកន្លែងវប្បធម៌ និងប្រវត្តិសាស្ត្រឡាវ និងអញ្ជើញមានសកម្មភាពមួយចំនួនទៀត៕