ឧបនាយករដ្ឋមន្រ្តីនិងជារដ្ឋមន្រ្តីក្រសួងការបរទេស លោក Pham Binh Minh (រូបថត៖ VGP)

ក្នុងជំនួបតាមទូរស័ព្ទនេះ លោក Hishammuddin Hussein បានអបអរសាទរចំពោះប្រទេសវៀតណាមក្នុងការបង្ការនិងទប់ស្កាត់ជំងឺ Covid-19 ប្រកបដោយប្រសិទ្ធភាព ហើយបានស្នើឱ្យប្រទេសទាំងពីររៀបចំឲ្យបានល្អនូវលក្ខខណ្ឌចាំបាច់ ដើម្បីភ្ជាប់ឡើងវិញនូវជើងហោះហើរត្រង់នាពេលឆាប់ៗនេះផងដែរ។

ទន្ទឹមនឹងនេះ ឧបនាយករដ្ឋមន្រ្តីនិងជារដ្ឋមន្រ្តីការបរទេសវៀតណាម លោក  Pham Binh Minh បានសន្យាថានឹងបន្តបង្កើតលក្ខខណ្ឌអំណោយផលសម្រាប់វិនិយោគិន អ្នកជំនាញ អ្នកគ្រប់គ្រង និងពលករដែលមានកំរិតជំនាញវិជ្ជាជីវៈខ្ពស់មកពីប្រទេសផ្សេងទៀត ក្នុងនោះមានប្រទេសម៉ាឡេស៊ី ដើម្បីចូលមកវៀតណាម និងរួមចំណែកក្នុងការធ្វើឲ្យវិស័យផលិតកម្មនិងអាជីវកម្មរបស់សហគ្រាសប្រកបដោយស្ថិរភាពផងដែរ។

លើសពីនេះទៀត លោក Pham Binh Minh ក៏បានស្នើឱ្យម៉ាឡេស៊ីបន្តមានសកម្មភាពមនុស្សធម៌ដល់ប្រជានេសាទវៀតណាមដែលត្រូវបានចាប់ខ្លួននៅឯប្រទេសម៉ាឡេស៊ីស្របតាមច្បាប់អន្តរជាតិ ដោយឈរលើមូលដ្ឋាននៃស្មារតីសាមគ្គីភាពអាស៊ាន។

ម្យ៉ាងវិញទៀត រដ្ឋមន្រ្តីទាំងពីររូបក៏បានឯកភាពបង្កើនការផ្លាស់ប្តូរទ្វេភាគីនិងជាមួយបណ្តាប្រទេសសមាជិកអាស៊ានលើបញ្ហាតំបន់និងអន្តរជាតិដែលមានការយកចិត្តទុកដាក់រួមគ្នា ក្នុងនោះមានបញ្ហា  សមុទ្រខាងកើត និងសម្របសម្រួលគ្នាយ៉ាងជិតស្និទ្ធក្នុងការរៀបចំកិច្ចប្រជុំកំពូលអាស៊ាននិង APEC ប្រកបដោយជោគជ័យនៅខែវិច្ឆិកាខាងមុខនេះផងដែរ៕