ក្នុងចំណោមកប៉ាល់អន្តរជាតិទាំងពីរដែលមកដល់ Ha Long នោះ កប៉ាល់ Vasco Da Gama (សញ្ជាតិព័រទុយហ្គាល់) បានចូលចតជាលើកដំបូង ដោយនាំភ្ញៀវទេសចរអាល្លឺម៉ង់ ជិត ៦៥០ នាក់មកទស្សនា និងធ្វើដំណើរ។ ទន្ទឹមនឹងនេះដែរ កប៉ាល់ Celebrity Solstice (សញ្ជាតិម៉ាល់តា) បានចូលចតនៅកំពង់ផែទេសចរណ៍អន្តរជាតិ Ha Long ចំនួន៥ដងក្នុងឆ្នាំ២០២៣ ដែលនាំភ្ញៀវទេសចរអឺរ៉ុប និងអាមេរិកជាង ៣.០០០ នាក់។

ភ្ញៀវទេសចរណ៍អន្តរជាតិមកកាន់ខេត្ត Quang Ninh។ រូបថត៖ VOV

លោកស្រី Pham Thi Oanh ប្រធានការិយាល័យវប្បធម៌ និងព័ត៌មានទីក្រុង Mong Cai បានឲ្យដឹងថា៖ “យើងបានរៀបចំសកម្មភាពស្វាគមន៍ឆ្នាំថ្មីនៅតាមវិថីដើរថ្មើរជើង; នៅកេរ្តិ៍ដំណែលជាតិ សាលាភូមិ Tra Co ក៏មានពិធីប្រកាសនិងស្វាគមន៍ការសម្រេចចិត្តទទួលស្គាល់កេរ្តិ៍ដំណែលជាតិសាលាភូមិ Tra Co; នៅតាមច្រកទ្វារព្រំដែន មានរៀបចំពិធីគោរពទង់ជាតិដើម្បីស្វាគមន៍ឆ្នាំថ្មីផងដែរ។ ទន្ទឹមនឹងសកម្មភាពធានាសន្តិសុខ សុវត្ថិភាពជូនភ្ញៀវទេសចរណ៍នៅពេលមកលេងកម្សាន្ត និងទស្សនាទីក្រុង Mong Cai យើងខិតខំទាក់ទាញភ្ញៀវទេសចរណ៍ប្រមាណ ៥០ម៉ឺននាក់មកកាន់ទីក្រុង”។

នៅថ្ងៃទី ៣១ ខែធ្នូ កប៉ាល់ទេសចរណ៍លំដាប់ខ្ពស់ Westerdam សញ្ជាតិហូឡង់ បានចូលចតនៅកំពង់ផែ Nha Trang ដឹកភ្ញៀវទេសចរអន្តរជាតិជាង ២.០០០ នាក់ ដែលភាគច្រើនជាជនជាតិហូឡង់។ កប៉ាល់នេះធ្វើដំណើរពីប្រទេសថៃ - កំពង់ផែ Phu My (Ba Ria - Vung Tau) - Nha Trang - Da Nang - Quang Ninh ។ នៅទីក្រុង Nha Trang ភ្ញៀវទេសចរទៅទស្សនាបណ្តាគោលដៅនៅទីក្រុង ហើយធ្វើរដំណើរជុំវិញទីក្រុងដោយស៊ីក្លូ៕