នាថ្ងៃទី ១២ ខែវិច្ឆិកា ទីក្រុង Quang Ninh បានស្វាគមន៍កប៉ាល់ទេសចរណ៍ខ្នាតយក្យចំនួន ២គ្រឿង ដឹកភ្ញៀវទេសចរអឺរ៉ុប និងអាមេរិកចំនួនជាង ៤.៧០០ នាក់មកទស្សនាឈូងសមុទ្រ Ha Long។ មុននោះ ខេត្ត Quang Ninh ក៏បានស្វាគមន៍ភ្ញៀវអន្តរជាតិចទី ៣.០០០.០០០ ដែលមកទស្សនាឈូងសមុទ្រ Ha Long ក្នុងដំណើរនាវាចរណ៍ឆ្លងកាត់តំបន់អាស៊ី។

ភ្ញៀវទេសចរអន្តរជាតិ នៅកំពង់ផែកប៉ាល់ទេសចរណ៍អន្តរជាតិ Ha Long កាលពីថ្ងៃទី១ ខែមករា ឆ្នាំ២០២៤។ រូបថត៖ TTXVN

ជាមួយនឹងទីតាំងភូមិសាស្រ្តរបស់ខ្លួន ជាគោលដៅជិតបំផុតទៅកាន់ទីផ្សារទេសចរណ៍អាស៊ីខាងជើងដូចជាតៃវ៉ាន់(ចិន) កូរ៉េខាងត្បូងនិងជប៉ុន ហើយជាកន្លែងដែលបណ្តាញដឹកជញ្ជូនអន្តរជាតិជាច្រើនមកប្រតិបត្តិការដើម្បីបម្រើភ្ញៀវទេសចរណ៍ Quang Ninh បានផ្សព្វផ្សាយគុណសម្បត្តិរបស់ខ្លួន គឺហេដ្ឋារចនាសម្ព័ន្ធប្រកបដោយសមកាលកម្មនិងងាយស្រួល ជាមួយនឹងទេសភាពធម្មជាតិប្លែកៗនិងលក្ខណៈវប្បធម៌សម្បូរបែប ដើម្បីទាក់ទាញក្រុមហ៊ុនកប៉ាលសមុទ្រឱ្យមកទីនេះ។ នាពេលថ្មីៗនេះ ខេត្ត Quang Ninh បានខិតខំប្រឹងប្រែងជំរុញការតភ្ជាប់ជាមួយដំណើរកម្សាន្តដោយកប៉ាលទេសចរណ៍ថ្មីៗ ដូចជាដំណើរកម្សាន្ត Guangzhou - Ha Long ហុងកុង - Ha Long ជាដើម។

តាមការរំពឹងទុក នៅខែមេសា ឆ្នាំ ២០២៥ នឹងមានកប៉ាល់ទេសចរណ៍ ប្រហែល ៦០ គ្រឿងដឹកភ្ញៀវទេសចរជាង ១០០.០០០ នាក់មកកាន់ខេត្ត Quang Ninh។ កប៉ាល់ទេសចរណ៍ខ្នាតយក្យកំពុងរួមចំណែកយ៉ាងសំខាន់ក្នុងការជួយខេត្ត Quang Ninh ឱ្យសម្រេចបាននូវគោលដៅប្រចាំឆ្នាំ ក្នុងការទទួលបានភ្ញៀវទេសចរចំនួន ១៩លាននាក់ ក្នុងនោះមានភ្ញៀវអន្តរជាតិចំនួន ៣,៥ លាននាក់៕