នៅក្នុងការអនុសាសន៍ ក្រសួងការបរទេសសហរដ្ឋអាមេរិកបានឲ្យដឹងថា ភាពតានតឹងកំពុងកើនឡើងក្នុងតំបន់ជាច្រើននៅលើពិភពលោក ជាមួយនឹងហានិភ័យនៃការវាយប្រហារភេរវកម្ម ការតវ៉ា ឬអំពើហឹង្សាផ្សេងៗប្រឆាំងនឹងពលរដ្ឋ និងផលប្រយោជន៍របស់សហរដ្ឋអាមេរិក។
ក្រសួងការបរទេសសហរដ្ឋអាមេរិក។ រូបថត៖ Getty |
អនុសាសន៍នេះត្រូវបានចេញផ្សាយក្នុងបរិបទនៃបាតុកម្មកើតឡើងនៅទូទាំងតំបន់មជ្ឈិមបូព៌ា ដើម្បីតវ៉ាប្រឆាំងនឹងជម្លោះរវាងអ៊ីស្រាអែលនិងក្រុមហាម៉ាស ហើយក្រុមបាតុករជាច្រើនបានកំណត់គោលដៅទីតាំងការទូតរបស់សហរដ្ឋអាមេរិក។ មុននោះ ក្រសួងការបរទេសអាមេរិកបានដំឡើងកម្រិតអនុសាសន៍ការធ្វើដំណើរទៅកាន់ប្រទេសលីបង់និងអ៊ីស្រាអែល ឡើដល់កម្រិតខ្ពស់បំផុត ហើយបានអនុញ្ញាតឱ្យបុគ្គលិករដ្ឋាភិបាលដែលមិនចាំបាច់ និងក្រុមគ្រួសាររបស់ពួកគេចាកចេញពីប្រទេសទាំងពីរនេះ។
លើកចុងក្រោយដែលក្រសួងការបរទេសអាមេរិកបានចេញអនុសាសន៍ស្រដៀងគ្នានេះ គឺកាលពីខែសីហាឆ្នាំមុន បន្ទាប់ពីមេដឹកនាំ អាល់កៃដា Ayman al-Zawahiri ត្រូវបានសម្លាប់៕