ពិធីបើកមហោស្រពវប្បធម៌ជនជាតិភាគតិចលើកទី ១ នៅខេត្ត Gia Lai ឆ្នាំ២០២២ (រូបថត៖VOV)

ពិធីបុណ្យវប្បធម៌នៃបណ្តាជនជាតិភាគិតិចនៅខេត្ត Gia Lai ឆ្នាំ ២០២២ បានបើកជាផ្លូវការនាយប់ថ្ងៃទី ១៩ ខែមេសា នៅទីលាន Dai Doan Ket ទីក្រុង Pleiku។

ប្រព្រឹត្តទៅក្នុងរយៈពេលពីរថ្ងៃ គឺចាប់ពីថ្ងៃទី ១៩ និង ២០ ខែមេសា ពិធីបុណ្យនេះមានការចូលរួមពីសិប្បករ កម្មាភិបាលនិងប្រជាជនជាជនជាតិភាគតិច ជិត ៨០០ នាក់មកពីទីរួមខេត្តនិងទីក្រុងទាំង ១៦ លើទូទាំងខេត្ត។ ទិវាបុណ្យនេះគឺជាសកម្មភាពមួយក្នុងចំណោមសកម្មភាពរួមចំណែកក្នុងការអភិរក្សនិងផ្សព្វផ្សាយតម្លៃវប្បធម៌ប្រពៃណីរបស់បណ្តាជនជាតិភាគតិចនៅខេត្ត Gia Lai; អបអរសាទរទិវាវប្បធម៌នៃក្រុមជនជាតិ វៀតណាម (ថ្ងៃទី ១៩ មេសា); អបអរសាទរខួបលើកទី ៤៧ នៃទិវារំដោះភាគខាងត្បូង បង្រួបបង្រួមប្រទេសជាតិនិងខួបលើកទី ៩០ នៃការបង្កើតខេត្ត Gia Lai (២៤ ឧសភា ១៩៣២- ២៤ ឧសភា ២០២២)។

ទិវាបុណ្យនេះក៏ជាឱកាសសម្រាប់ប្រជាជនជនជាតិភាគតិចក្នុងខេត្តជួបប្រាស្រ័យ ផ្លាស់ប្តូរបទពិសោធន៍ និងពង្រឹងសាមគ្គីភាព។ រួមជាមួយក្រុមសិប្បករក្នុងតំបន់ដែលចូលរួមពិធីបុណ្យនេះ លោក Ngo Duc Mao មកពីទីរួមស្រុក Phu Can ស្រុក Krong Pa បានចែករំលែកថា៖ “ចូលរួមពិធីបុណ្យ សិប្បករមកទីនេះដើម្បីជួបប្រាស្រ័យនិងផ្លាស់ប្តូរបទពិសោធន៍ ជាមួយស្រុកជិតខាង។ អាស្រ័យហេតុនេះ បង្ហាញពីចំណងសាមគ្គីភាពរបស់ជនជាតិភាគតិចនៅតំបន់ Tay Nguyen ពួកគេបានជួបជុំគ្នាដើម្បីណែនាំនិងផ្សព្វផ្សាយអំពីមូលដ្ឋាននិងភូមិដែលខ្លួនកំពុងរស់នៅ ហើយពួកគេក៏នឹងបានស្គាល់ពីមូលដ្ឋានផ្សេងទៀតផងដែរ។ ប្រការនេះបង្ហាញថា ជនជាតិទាំងអស់ដែលរស់នៅក្នុងខេត្ត Gia Lai និយាយដោយឡែក និងតំបន់ Tay Nguyen និយាយរួម សុទ្ធតែមានប្រពៃណីថ្លៃថ្លា ដែលជាស្មារតីនៃសាមគ្គីភាព នោះគឺជាការកសាង សហគមន៍ វៀតណាម”៕