តារាម៉ូដែល Ao Dai ក្នុងកម្មវិធីមួយនៅទីក្រុងហូជីមិញ (រូបថត៖ Tuan Duc/TTXVN)

យុទ្ធនាការនេះ ត្រូវបាននាយកដ្ឋានទេសចរណ៍និងសមាគមនារីទីក្រុងហូជីមិញរៀបចំឡើង ហើយបានអនុវត្តដោយមជ្ឈមណ្ឌលផ្សព្វផ្សាយទេសចរណ៍ និងអគារវប្បធម៌យុវជនទីក្រុងហូជីមិញ ដោយមានការចូលរួមពីក្រុមហ៊ុនភាគហ៊ុនម៉ូដ Son Kim (SonKim Mode) និងម៉ាកយីហោ VERA ផងដែរ។

យោងតាមតំណាងមន្ទីរទេសចរណ៍ទីក្រុងហូជីមិញ យុទ្ធនាការនេះត្រូវបានរៀបចំឡើងក្នុងគោលបំណងបំផុសគំនិតច្នៃប្រឌិតអំពីអាវផាយ ផ្សព្វផ្សាយយ៉ាងទូលំទូលាយ និងលើកតម្កើង អាវផាយរបស់វៀតណាម។ ទន្ទឹមនឹងនោះ យុទ្ធនាការនេះមានគោលបំណងលើកកំពស់ឋានៈនិងអត្ថន័យរបស់អាវផាយ - សម្រស់វប្បធម៌របស់វៀតណាម ក្នុងជីវភាពសង្គមរបស់ប្រជាជននៅទូទាំងប្រទេសនិងទីផ្សារអន្តរជាតិ។ តាមរយៈយុទ្ធនាការនេះ គណៈកម្មាធិការរៀបចំសង្ឃឹមថានឹងរីកសាយភាយសេចក្ដីស្រឡាញ់របស់យុវជនចំពោះអាវផាយប្រពៃណី ជំរុញការកសាងនិងធ្វើពិពិធកម្មធនធានសម្រាប់អាវផាយ ក៏ដូចជាធ្វើឱ្យអាវផាយក្លាយជាបេតិកភណ្ឌវប្បធម៌អរូបីថ្នាក់ជាតិ។

សម្រាប់ព័ត៌មានបន្ថែមទាក់ទងនឹងយុទ្ធនាការរចនា សូមទាក់ទងតាមរយៈអាសយដ្ឋាន៖ Fanpage ផ្លូវការនៃពិធីបុណ្យអាវផាយទីក្រុងហូជីមិញ (https://www.facebook.com/lehoiaodai) និងគេហទំព័រនៃពិធីបុណ្យ អាវផាយទីក្រុងហូជីមិញ (https://lehoiaodaitphcm.com.vn)។