ថ្លែងនៅក្នុងសន្និសីទសារព័ត៌មាននាថ្ងៃទី ២៦ ខែតុលា ប៉ូលីសអង់គ្លេសបានជូនដំណឹងថានឹងសហការជាមួយអាជ្ញាធរវៀតណាមក្នុងការស៊ើបអង្កេតអំពីអត្តសញ្ញាណមនុស្សទាំង ៣៩ នាក់ដែលត្រូវបានរកឃើញស្លាប់នៅក្នុងរថយន្តកុងតឺន័រមួយនៅតំបន់ Essex ភាគអាគ្នេយ៍នៃប្រទេសអង់គ្លេស។ មុននេះ ប៉ូលីសអង់គ្លេសបានទទួលព័ត៌មានពីបណ្តាគ្រួសារវៀតណាមដែលជូនដំណឹងថាមានសាច់ញាតិរបស់គេបានបាត់ខ្លួននៅក្នុងហេតុកាណ៍ដូចពោលខាងលើនេះ។ ប្រធានអធិការនៃស្នងការដ្ឋានប៉ូលីស Essex លោក Martin Pasmore បានជូនដំណឹងដល់អ្នកសារព័ត៌មានថា សាកសពជនរងគ្រោះទាំងអស់ត្រូវបានបញ្ជូនទៅកាន់មន្ទីរពេទ្យ ដើម្បីធ្វើការស៊ើបអង្កេតនិងបញ្ជាក់អត្តសញ្ញាណហើយ។ នាបច្ចុប្បន្នមានជនសង្ស័យចំនួន ៥ នាក់ត្រូវបានចាប់ខ្លួនដោយចោទប្រកាន់ថាពាក់ព័ន្ធនឹងហេតុការណ៍នេះ៕