ប្រធានរដ្ឋសភាវៀតណាម លោក Vuong Dinh Hue និងអនុប្រធានរដ្ឋសភាឡាវលោកស្រី Sounthone Xayachak ទៅទស្សនាកន្លែងថែទាំយន្តហោះ Vietjet នៅទីក្រុងវៀងច័ន្ទ។ (រូបថត៖ VOV)

នាព្រឹកថ្ងៃទី៤ ខែធ្នូ នៅរដ្ឋធានីវៀងច័ន្ទរបស់ឡាវ ប្រធានរដ្ឋសភាវៀតណាម លោក Vuong Dinh Hue បានអញ្ជើញចូលរួម និងធ្វើជាសាក្សីក្នុងពិធីចុះហត្ថលេខាលើ កិច្ចសហប្រតិបត្តិការគ្រប់ជ្រុងជ្រោយរវាងក្រុមហ៊ុនអាកាសចរណ៍ Vietjet និងក្រុមហ៊ុន អាកាសចរណ៍ជាតិឡាវ (Lao Airlines) និងប្រកាសបើកផ្លូវហោះហើរថ្មីតភ្ជាប់រដ្ឋធានី វៀងចន្ទន៍ (ឡាវ) ជាមួយទីក្រុងហូជីមិញ (វៀតណាម)។

ផ្លូវហោះហើរថ្មីនេះគ្រោងនឹងបម្រើអ្នកដំណើរចាប់ពីខែកុម្ភៈ ឆ្នាំ ២០២៤ ជាមួយ នឹងជើងហោះហើរទៅមកចំនួន ៤ ជើងក្នុងមួយសប្តាហ៍ ដែលរួមចំណែកដល់ការ លើកកម្ពស់ពាណិជ្ជកម្ម ទេសចរណ៍ និងការផ្លាស់ប្តូរវប្បធម៌រវាងប្រទេសទាំងពីរ។

ក្រុមហ៊ុនអាកាសចរណ៍ Vietjet និង Lao Airlines បានក្លាយជាដៃគូគ្រប់ជ្រុង ជ្រោយក្នុងការដឹកជញ្ជូនអ្នកដំណើរ និងទំនិញ ព្រមទាំងពង្រីកកិច្ចសហប្រតិបត្តិការ ក្នុងសកម្មភាពបច្ចេកទេស ការជួសជុល និងថែទាំយន្តហោះ ក៏ដូចជាការបណ្តុះ បណ្តាលធនធានមនុស្សផ្នែកអាកាសចរណ៍ផងដែរ៕