ពិធីផ្ញើជូនដំណើរប្រធានរដ្ឋវៀតណាមលោក Vo Van Thuong នៅអាកាសយានដ្ឋានប៉េកាំង។ (រូបថត៖ TTXVN) |
នៅទីក្រុងប៉េកាំង ប្រទេសចិន ក្នុងកម្មវិធីចូលរួមវេទិកាជាន់ខ្ពស់ “ខ្សែក្រវាត់ និងផ្លូវ” ប្រធានរដ្ឋវៀតណាម លោក Vo Van Thuong បានអញ្ជើញចូលរួមពិធីបើក ដោយមានការចូលរួមពីគណៈប្រតិភូជាង ៤០០០ នាក់ មកពីប្រទេសជាង ១៤០ និងអង្គការអន្តរជាតិចំនួន ៣០ ជាមួយនឹងវត្តមានប្រមុខរដ្ឋ និងប្រមុខរដ្ឋាភិបាលជាង ២០ រូប។ នៅក្នុងវេទិកានេះ ប្រធានរដ្ឋលោក Vo Van Thuong បានបង្ហាញសារដោយអះអាងថា វៀតណាមជានិច្ចកាលគាំទ្រគំនិតផ្តួចផ្តើមដែលមានប្រយោជន៍ចំពោះ សន្តិភាព កិច្ចសហប្រតិបត្តិការ និងការអភិវឌ្ឍក្នុងតំបន់ និងលើពិភពលោក រួមទាំង គំនិតផ្តួចផ្តើមខ្សែក្រវ៉ាត់និងផ្លូវរបស់ប្រទេសចិនផងដែរ។
លោកប្រធានរដ្ឋបានជួបប្រាស្រ័យនិងជួបសន្ទនាជាមួយប្រមុខរដ្ឋ ប្រធានគណៈ ប្រតិភូនៃបណ្ដាប្រទេស និងអង្គការអន្តរជាតិជាច្រើន ក្នុងនោះមានជំនួបជាមួយ ប្រធានាធិបតីរុស្ស៊ី លោក Vladimir Putin; ប្រធានាធិបតី អ៊ូសបេគីស្ថាន លោក Shavkat Mirziyoyev; នាយករដ្ឋមន្ត្រីកម្ពុជាលោក ហ៊ុន ម៉ាណែត; អគ្គលេខាបក្ស ប្រធានរដ្ឋឡាវលោក Thonglun Sisoulith។ លោកប្រធានរដ្ឋក៏បានជួបពិភាក្សាជាមួយ ប្រធានាធិបតីស្រីលង្កា លោក Ranil Wickremesinghe និងអគ្គលេខាធិការអង្គការ សហប្រជាជាតិ លោក Antonio Guterres ផងដែរ។ ក្នុងជំនួបទាំងនេះ ដៃគូទាំងអស់ បានបង្ហាញពីការគោរពចំពោះតួនាទី និងឋានៈរបស់វៀតណាម; មានបំណងចង់ជំរុញកិច្ច សហប្រតិបត្តិការជាក់ស្តែងជាមួយវៀតណាម ពង្រីកនិងធ្វើឲ្យស៊ីជម្រៅថែមទៀតនូវខ្លឹមសារនៃកិច្ចសហប្រតិបត្តិការសេដ្ឋកិច្ច ពាណិជ្ជកម្ម វិទ្យាសាស្ត្រ បច្ចេកវិទ្យា ការ អប់រំនិងបណ្តុះបណ្តាល ការផ្លាស់ប្តូរវប្បធម៌ និងប្រជាជន។
ប្រធានរដ្ឋវៀតណាម លោក Vo Van Thuong ក៏បានជួបសន្ទនាជាមួយអគ្គ លេខាគណៈ
កម្មាធិការមជ្ឈិមបក្សកុម្មុយនិស្តចិន និងប្រធានរដ្ឋនៃសាធារណរដ្ឋ ប្រជាមានិតចិនលោក Xi Jinping; ជួបជាមួយថ្នាក់ដឹកនាំចិនមួយចំនួន ដើម្បីពិភាក្សា អំពីវិធានការសំខាន់ៗជាច្រើន សំដៅធ្វើឲ្យស៊ីជម្រៅថែមទៀតនូវទំនាក់ទំនង ភាពជាដៃគូសហប្រតិបត្តិការយុទ្ធសាស្ត្រលើគ្រប់ជ្រុងជ្រោយរវាងវៀតណាម-ចិន៕