 ប្រធានរដ្ឋវៀតណាមលោក Vo Van Thuong និងលោកជំទាវ ជូនដំណើរប្រធានាធិបតីហ្វីលីពីន លោក Ferdinand Marcos Jr. លោកជំទាវ មុនពេលបញ្ចប់ដំណើរទស្សនកិច្ចនៅវៀតណាម។ (រូបថត៖ Thong Nhat/TTXVN) |
នេះគឺជាដំណើរទស្សនកិច្ចលើកដំបូងមកកាន់ប្រទេសវៀតណាមរបស់ប្រធានាធិបតីហ្វីលីពីន Ferdinand Marcos Jr. ចាប់តាំងពីចូលកាន់តំណែង។ ក្នុងដំណើរទស្សនកិច្ចលើកនេះ ប្រធានា
ធិបតីហ្វីលីពីន និងលោកជំទាវបានមកដាក់កម្រងផ្កា និងចូលគោរពវិញ្ញាណក្ខ័ន្ធលោកប្រធានហូជីមិញ; ដាក់កម្រងផ្កានៅស្តូបរំលឹកវិញ្ញាណក្ខន្ធ វីរយុទ្ធជនពលីនៅវិថី Bac Son (ទីក្រុងហាណូយ)។ លោកប្រធានាធិបតី Ferdinand Romualdez Marcos Jr. បានអញ្ជើញចូលរួមពិធីបដិសណ្ឋារកិច្ចផ្លូវការ និងកិច្ចពិភាក្សា ការងារ ធ្វើជាសាក្សីក្នុងពិធីផ្លាស់ប្តូរឯកសារកិច្ចសហប្រតិបត្តិការលើវិស័យនានា ជាមួយប្រធានរដ្ឋវៀតណាម លោក Vo Van Thuong; ជួបសន្ទនាជាមួយលោកនាយក រដ្ឋមន្ត្រី Pham Minh Chinh និងលោកប្រធានរដ្ឋសភា Vuong Dinh Hue។
នៅក្នុងជំនួបពិភាក្សាការងារនិងជំនួបសន្ទនា ថ្នាក់ដឹកនាំនៃប្រទេសទាំងពីរបាន វាយតម្លៃខ្ពស់ចំពោះការអភិវឌ្ឍដ៏ខ្លាំងក្លា និងជាក់ស្ដែងនៃទំនាក់ទំនងភាពជាដៃគូយុទ្ធ សាស្ត្ររវាងប្រទេសទាំងពីរ; ឯកភាពពង្រឹងនិងពង្រីកភាពជាដៃគូឲ្យកាន់តែស៊ីជម្រៅ និងទូលំទូលាយក្នុងបរិបទដែលភាគីទាំងពីរកំពុងឆ្ពោះទៅការរំលឹកខួបលើកទី ១០ នៃការបង្កើតភាពជាដៃគូយុទ្ធសាស្ត្រ (២០១៥-២០២៥) និងខួបលើកទី ៥០ នៃការ បង្កើតទំនាក់ទំនងការទូត (១៩៧៦-២០២៦)។ ភាគីទាំងពីរបានឯកភាពពង្រឹងថែម ទៀតនូវទំនុកចិត្តផ្នែកនយោបាយ ទំនាក់ទំនងមិត្តភាព និងកិច្ចសហប្រតិបត្តិការគ្រប់ ជ្រុងជ្រោយរវាងប្រទេសទាំងពីរ តាមរយៈការរក្សាដំណើរទស្សនកិច្ច និងជំនួប ប្រាស្រ័យជាន់ខ្ពស់ និងគ្រប់ជាន់ថ្នាក់ជាប្រចាំលើគ្រប់កាណាល់ ក៏ដូចជាការផ្លាស់ប្តូរ រវាងប្រជាជនជាមួយប្រជាជនផងដែរ។ ភាគីទាំងពីរសន្យាជំរុញខ្លាំងយន្តការសហ ប្រតិបត្តិការទ្វេភាគីដែលមានស្រាប់ និងអនុវត្តន៍ប្រកបដោយប្រសិទ្ធភាពនូវឯកសារ ដែលបានចុះហត្ថលេខារវាងប្រទេសទាំងពីរ។
ថ្នាក់ដឹកនាំនៃប្រទេសទាំងពីរបានសង្កត់ ធ្ងន់លើសារៈសំខាន់នៃការរក្សាសន្តិភាព ស្ថិរភាព សន្តិសុខ សុវត្ថិភាពនាវាចរណ៍ សេរី ភាពនាវាចរណ៍ និងអាកាសចរណ៍នៅសមុទ្រខាងកើត។ ក្នុងឱកាសនេះ ភាគីទាំងពីរ បានចេញសេចក្តីប្រកាសសារព័ត៌មានរួមវៀតណាម-ហ្វីលីពីន។
ក្នុងក្របខ័ណ្ឌនៃដំណើរទស្សនកិច្ចនេះផងដែរ លោកប្រធានរដ្ឋ Vo Van Thuong និងលោកប្រធានាធិបតីហ្វីលីពីនបានអញ្ជើញទៅទស្សនាអតីតព្រះបរមរាជវាំង Thang Long; លោកនាយករដ្ឋមន្ត្រី Pham Minh Chinh និងលោកប្រធានាធិបតីហ្វីលីពីនបាន ជួបជាមួយសហគមន៍ធុរកិច្ចនៃប្រទេសទាំងពីរ។ កាលពីយប់ថ្ងៃទី ៣០ ខែមករា លោក ប្រធានរដ្ឋ Vo Van Thuong និងលោកជំទាវបានអញ្ជើញជាអធិបតីក្នុងពិធីលៀង សាយភោជន៍យ៉ាងឱឡារិកចំពោះលោកប្រធានាធិបតី Ferdinand Marcos Jr. និងលោកជំទាវ៕