“នៅពេលខ្លះ អាស្រ័យលើការវិវត្តន៍នៃស្ថានភាពទូទៅ ប្រជាជន និងមេដឹកនាំអ៊ុយក្រែននឹងការសម្រេចចិត្តលើបញ្ហានេះ ក្រោមលក្ខខណ្ឌដែលពួកគេបានសម្រេច។ ខ្ញុំចង់និយាយថា ឱកាសសម្រាប់សន្តិភាពនៅតែមាន ហើយនឹងមកដល់នាពេលអនាគត។ សន្តិភាពនឹងត្រូវបានកសាងឡើងតាមរយៈការចរចានៅចំពោះមុខសហគមន៍អន្តរជាតិ”។
ប្រធានាធិបតីបារាំងលោក Emmanuel Macron បានបញ្ជាក់ថា លោកនឹងបន្តផ្តល់ការគាំទ្រផ្នែកការទូត និងយោធាសម្រាប់អ៊ុយក្រែន ខណៈពេលបានសង្កត់ធ្ងន់ថា ចាំបាច់ត្រូវរក្សាបណ្តាញទំនាក់ទំនងជាមួយរុស្ស៊ី សំដៅស្វែងរកឱកាសដើម្បីបញ្ចប់ជម្លោះ។
មុននោះ នៅក្នុងកិច្ចប្រជុំកំពូលសហភាពអឺរ៉ុប នៅថ្ងៃទី២០-២១ ខែតុលា ប្រធានាធិបតីបារាំង លោក Macron ក៏បានឲ្យដឹងថា លោកគាំទ្រការដែលអ៊ុយក្រែន និងរុស្ស៊ី ឲ្យវិលត្រឡប់ទៅកាន់តុចរចាឱ្យបានឆាប់បំផុតតាមដែលអាចធ្វើទៅបាន៕