 រដ្ឋមន្រ្តីការបរទេសអ៊ីរ៉ង់ អង់គ្លេស បារាំង រុស្ស៊ី ចិននិងអាល្លឺម៉ង់ជួបគ្នាតាមប្រព័ន្ធវីដេអូដើម្បីពិភាក្សាអំំពីកិច្ចព្រមព្រៀង JCPOA (ប្រភព៖ Irangov) |
ការថ្លែងការណ៍ដូចពោលខាងលើនេះត្រូវបានធ្វើឡើងបន្ទាប់ពីសន្និសីទតាមប្រព័ន្ធវីដេអូក្រៅផ្លូវការរបស់ភាគីនៅសេស សល់ដែលចូលរួមកិច្ចព្រមព្រៀង JCPOA ក្រោមអធិបតីភាពតំណាងជាន់ខ្ពស់នៃសហភាពអឺរ៉ុប (EU) ទទួលបន្ទុកគោលនយោបាយកិច្ចការបរទេសនិងសន្តិសុខ លោក Josep Borrel ដោយមានការចូលរួមពីរដ្ឋមន្ត្រីការបរទេសនៃប្រទេសហត្ថលេខី រួមមាន អ៊ីរ៉ង់ ចក្រភពអង់គ្លេស បារាំង រុស្ស៊ីចិននិងអាល្លឺម៉ង់។ រដ្ឋមន្រ្តីការបរទេសទាំងអស់បានបញ្ជាក់សារជាថ្មីម្តងទៀតថាកិច្ចព្រមព្រៀងនុយក្លេអ៊ែរនៅតែជាកត្តាដ៏សែនសំខាន់នៃកម្មវិធីមិនរីកសាយភាយអាវុធនុយក្លេអ៊ែរសកលលោក និងជាសមិទ្ធិផលដ៏សំខាន់នៃគោលនយោបាយការបរទេសពហុភាគី ដើម្បីរួមចំណែកក្នុងការពង្រឹងសន្តិសុខក្នុងតំបន់និងអន្តរជាតិ៕