 |
គណៈប្រតិភូ នៃគណៈកម្មាធិការកិច្ចការបរទេសមជ្ឈឹមបក្សកុម្មុយនីសវៀតណាម
ក្នុងជំនួបប្រាស្រ័យជាមួយក្រសួងការបរទេសអេហ្ស៊ីប |
(VOVworld) - ចាប់ពីថ្ងៃទី១៤ដល់ថ្ងៃទី១៧ មិថុនា ឆ្នាំ២០១៤ គណៈប្រតិភូនៃគណៈ
កម្មាធិការកិច្ចការបរទេសមជ្ឈឹមបក្សកុម្មុយនីសវៀតណាម ដឹកនាំដោយលោក Nguyen
Tuan Phong អនុប្រធានគណៈកម្មាធិការកិច្ចការបរទេសមជ្ឈឹមបក្ស បានមានដំណើរ
បំពេញទស្សនកិច្ចការងារនៅអេហ្ស៊ីប។នៅជំនួបប្រាស្រ័យជាមួយក្រសួងការបរទេស
អេហ្ស៊ីប លោក Nguyen Tuan Phong បានជូនដំណឹងអំពីបណ្ដាបញ្ហាបំរ៉ែបំរួលសភាព
ការណ៍របស់វៀតណាម ក្នុងនោះមានការ ដែលចិនដាក់ស្ថានីយ៍ខួង Haiyang Shiyou
៩៨១ ដោយខុសច្បាប់នៅក្នុងតំបន់សេដ្ឋកិច្ចផ្ដាច់មុខ និងតំបន់ខ្ពង់រាបបាតសមុទ្រ
របស់វៀតណាម។អនុរដ្ឋមន្រ្តីការបរទេសអេហ្ស៊ីប ទទួលបន្ទុកអាស៊ីលោក Ahmed
Ismail បានវាយតំលៃខ្ពស់ទំនាក់ទំនងមិត្តភាពប្រពៃណីរវាងប្រទេសទាំង២ ព្រមទាំង
សំដែងការព្រួយបារម្ភយ៉ាងជ្រាលជ្រៅចំពោះបំរ៉ែបំរួលដ៏ស្មុគស្មាញលើសមុទ្រខាង
កើតនាបច្ចុប្បន្ន។លោកក៏បានឲ្យដឹងទៀតថា អេហ្ស៊ីបគាំទ្រការខំប្រឹងប្រែងដោះ
ស្រាយភាពតានតឹងតាមរយៈជំនួបសន្ទនានយោបាយ និងដោយសន្តវិធី។នៅជំនួប
នេះដែរ ភាគីទាំង២បានផ្លាស់ប្ដូរវិធានការសំដៅជំរុញ បង្កើនទំនាក់ទំនងមិត្តភាព
រវាងប្រទេសទាំង២នាពេលខាងមុខ។
គណៈប្រតិភូវៀតណាម ក៏មានបណ្ដាជំនួបប្រាស្រ័យនិងធ្វើការជាមួយថ្នាក់ដឹកនាំ
របស់គណៈបក្សកុម្មុយនីសអេហ្ស៊ីប គណៈបក្សសង្គមនិយមអេហ្ស៊ីប និងគណៈបក្ស
តំណាងប្រជាជនអេហ្ស៊ីបផងដែរ។មុននោះគណៈប្រតិភូរបស់វៀតណាមបានមក
បំពេញទស្សនកិច្ចការងារនៅប៉ាឡេស្ទីន និងអ៊ីស្រាអែល៕