ប្រធាន VUFO លោកស្រី Nguyen Phuong Nga អញ្ជើញទទួលជួបជាមួយរដ្ឋមន្ត្រីការបរទេសហ្វីលីពីន លោក Teodoro Lopez Locsin (រូបថតៈ TTXVN) |
ក្នុងជំនួបនេះ ប្រធាន VUFO លោកស្រី Nguyen Phuong Nga បានអះអាងថា ទំនាក់ទំនងកិច្ចការបរទេសប្រជាជន បានដើរតួនាទីសំខាន់ក្នុងការជំរុញនិងបង្កើនទំនាក់ទំនងមិត្តភាពរវាងប្រទេសទាំងពីរ។ ក្នុងឱកាសនេះ លោកស្រី Nguyen Phuong Nga បានជម្រាបដល់លោករដ្ឋមន្ត្រី Teodoro Lopez Locsin អំពីសកម្មភាពលេចធ្លោរបស់សមាគមមិត្តភាពវៀតណាម - ហ្វីលីពីននិងសមាគមមិត្តភាពហ្វីលីពីន - វៀតណាមក្នុងការពង្រឹងទំនាក់ទំនងមិត្តភាពនិងការជួបប្រាស្រ័យរវាងប្រជាជននៃប្រទេសទាំងពីរ ដើម្បីរួមចំណែកជំរុញសាមគ្គីភាពរវាងប្រជាជាតិទាំងពីរផងដែរ។ អញ្ជើញជាការឆ្លើយ តប រដ្ឋមន្ត្រីក្រសួងការបរទេសហ្វីលីពីន លោក Teodoro Lopez Locsin បានអះអាង ថា រដ្ឋាភិបាលហ្វីលីពីននឹងបន្តបង្កលក្ខណៈងាយស្រួលសម្រាប់រាល់សកម្មភាពជួបប្រា ស្រ័យរវាងប្រជាជននៃប្រទេសទាំងពីរឲ្យកាន់តែទទួលបានផ្លែផ្កានាពេលខាងមុខ៕