កម្មវិធីសិល្បៈនៅពិធីបើកសប្តាហ៍វប្បធម៌-ទេសចរណ៍ Phu Yen ឆ្នាំ ២០២៤។ (រូបថត៖ VOV)

សកម្មភាពស្នូលៗនៃសប្តាហ៍វប្បធម៌-ទេសចរណ៍ Phu Yen ឆ្នាំ ២០២៤ រួមមាន៖ ពិព័រណ៍ផ្សព្វផ្សាយផលិតផល OCOP (កម្មវិធីជាតិ ឃុំមួយផលិតផលមួយ) ភោជនាហារ និងទេសចរណ៍; ការប្រកួតក្រុមតន្ត្រីនៅក្នុងខេត្ត; ការសម្តែងបេតិកភណ្ឌវប្បធម៌អរូបី គួបផ្សំនឹងការសម្ដែងសំលៀកបំពាក់ប្រពៃណីនៅទឹកដី Phu Yen។ នៅតាមមូលដ្ឋាននានាក្នុងខេត្ត ក៏មានកម្មវិធី និងសកម្មភាពជួយជ្រោមជ្រែងផងដែរ ដូចជា៖ ការសម្តែងសិល្បៈច្រៀង bai choi; ការប្រណាំងទូក; ការឧទ្ទេសនាមអំពីមុខម្ហូបឆ្ងាញ់ៗ មុខម្ហូបពីត្រីធូណាសមុទ្រ; ការប្រឡងរូបថតសិល្បៈអំពីរមណីយដ្ឋាន និងកេរ្តិ៍ដំណែលប្រវត្តិសាស្ត្រ; ការសម្តែងក្បាច់គុន…

យោងតាមយុទ្ធសាស្ត្រអភិវឌ្ឍន៍ទេសចរណ៍វៀតណាមដល់ឆ្នាំ ២០២០ ចក្ខុវិស័យដល់ឆ្នាំ ២០៣០ តំបន់ឆ្នេរប៉ែកខាងត្បូងភូមិភាគកណ្តាល នឹងក្លាយជាតំបន់ទេសចរណ៍សំខាន់ដោយមានលក្ខណៈលេចធ្លោខាងទេសចរណ៍សមុទ្រ ផ្សារភ្ជាប់ជាមួយនឹងលំហវប្បធម៌ និងបរិស្ថានវិទ្យាសមុទ្រ។ ក្នុងនោះ ខេត្ត Phu Yen នឹងក្លាយជាមជ្ឈមណ្ឌលទេសចរណ៍ថ្នាក់ជាតិ និងតំបន់៕