(VOVworld) - នាយប់ថ្ងៃទី៣០ មិថុនា កម្មិធីសិល្បៈពោរពេញទៅដោយអត្តសញ្ញាណ
វប្បធម៏របស់វៀតណាមបានប្រព្រឹត្តទៅនៅទីក្រុង Yaroslavl សហព័ន្ធរុស្សី។នេះជា
សកម្មភាពចុងក្រោយក្នុងចំណោមសកម្មភាពដ៏មានអត្ថន័យក្នុងសប្ដាហ៍វប្បធម៏វៀត
ណាមនៅរុស្សី ដែលបានរៀបចំឡើងចាប់ពីថ្ងៃទី២៤ មិថុនា ដល់ថ្ងៃទី ២ កក្កដា។

កម្មវិធីសំដែងមួយក្នុងសប្ដាហ៍វប្បធម៏វៀតណាមនៅរុស្សី

មុននោះ នាព្រឹកថ្ងៃទី៣០ មិថុនា ក្នុងពិធីទទួលជួបសន្ទនាជាមួយរដ្ឋមន្រ្តីក្រសួងវប្បធម៏
កីឡា និងទេសចរណ៍វៀតណាមលោក Hoang Tuan Anh និងគណៈប្រតិភូវៀតណាម អភិបាលរងទីក្រុង Yaroslavl លោក Alechxandr Netraev បានចាត់ទុក​ថា ដំណើរទស្សន
កិច្ចលើកនេះរបស់គណៈប្រតិភូវៀតណាម នឹងបើកចេញបណ្ដាឱកាសថ្មី​ ដើម្បីជំរុញ
ទំនាក់ទំនងកិច្ចសហប្រតិបតិ្តការមិត្តភាពរវាងប្រទេសទាំង២ក៏ដូចជារវាងខេត្ត ទីក្រុង
មួយចំនួនរបស់វៀតណាមនិងទីក្រុង Yaroslavl។
ស្ដីអំពីការលើកឡើងលើបណ្ដាវិស័យ ដែលភាគីទាំង២អាចបើកទូលាយកិច្ចសហ
ប្រតិបតិ្តការនាពេលខាងមុខ លោក​ Hoang Tuan Anh បានអះអាងថា៖

គណៈប្រតិភូនៃភាគីទាំង២នៅជំនួបសន្ទនា

“ទំនាក់ទំនងរបស់យើង កាន់តែជាក់ស្ដែងពីមួយថ្ងៃទៅមួយថ្ងៃ តាមរយៈទំនាក់ទំនង
កីឡា ការបង្កើនបរិមាណភ្ញៀវទេសចរណ៍វៀតណាមមក Yaroslavl ក៏ដូចជាបរិមាណ
ភ្ញៀវទេសចរណ៍ Yaroslavl និយាយដោយឡែកនិងរុស្សីនិយាយរួមមកវៀតណាម។
ខ្ញុំក៏មានគោលបំណងទៀតថា បណ្ដាមិត្តនឹងមានឱកាសទៅទស្សនៈវៀតណាម នៅ
ទីក្រុង Da Nang ហើយយើងនឹងផ្លាស់ប្ដូរអំពី អ្វីដែលយើងខ្ញុំធ្វើបាន និងអ្វីដែលបណ្ដា
មិត្តមានតម្រូវការ ដើម្បីបន្តបើកទូលាយកិច្ចសហប្រតិបតិ្តការ”។
នៅជំនួបនេះដែរ លោកស្រី Elena Volkova អភិបាលរងទទួលបន្ទុកគោលនយោបាយ
សង្គម បានឧទ្ទេសនាមអំពីឧត្តមភាព​ វិស័យដែលទីក្រុង Yaroslavl អាចអភិវឌ្ឍន៍ទំនាក់
ទំនងជាមួយវៀតណាមនៅពេលអនាគត។