តបតាមការអញ្ជើញរបស់នាយករដ្ឋមន្រ្តី រដ្ឋមន្រ្តីក្រសួងការពារជាតិថៃ លោក Prayut Chan-o-cha នោះ នាព្រឹកថ្ងៃទី ១៦ ខែវិច្ឆិកា នាយឧត្តមសេនីយ៍ លោក Ngo Xuan Lich រដ្ឋមន្ត្រីក្រសួងការពារប្រទេស បានដឹកនាំគណៈប្រតិភូយោធាជាន់ខ្ពស់វៀតណាម អញ្ជើញចូលរួមកិច្ចប្រជុំរដ្ឋមន្ត្រីការពារជាតិអាស៊ានចង្អៀត (ADMM ចង្អៀត) និងកិច្ចប្រជុំរដ្ឋមន្ត្រីការពារជាតិអាស៊ានលើកទី ៦ (ADMM +) ដែលបានប្រព្រឹត្តិទៅនៅទីក្រុងបាងកកនៃប្រទេសថៃ ចាប់ពីថ្ងៃទី ១៦ ដល់ ១៩ ខែវិច្ឆិកា។

ការដែលគណប្រតិភូយោធាជាន់ខ្ពស់វៀតណាមបានចូលរួម កិច្ចប្រជុំទាំងនេះបានបង្ហាញពីការចូលរួមយ៉ាងសកម្ម ម្ចាស់ការប្រកបដោយមានការទទួលខុសត្រូវរបស់ វៀតណាម ទៅក្នុងវិស័យសហប្រតិបត្តិការ ក្នុងក្របខ័ណ្ឌ ADMM និង ADMM + បន្តអនុវត្តគំនិតផ្តួចផ្តើមនានារបស់វៀតណាមក្នុង ក្របខ័ណ្ឌនៃកិច្ចសហប្រតិបត្តិការការពារជាតិអាស៊ាន; ទន្ទឹមនឹងនោះអះអាងនូវតួនាទី និងជំហររបស់វៀតណាមក្នុងតំបន់និងពិភពលោកតាមរយៈសកម្មភាពនៅវេទិកាពហុភាគីក៏ដូចជាជំរុញកិច្ចប្រឹងប្រែងរួមគ្នាដើម្បីថែរក្សាសន្តិភាព ស្ថិរភាព និងការអភិវឌ្ឍ ក្នុងតំបន់ផងដែរ៕