លោក Nguyen Duy Minh លេខាសម្ព័ន្ធយុវជនទីក្រុងដាណាំង បានអោយដឹងថា ក្នុងឱកាសបុណ្យចូលឆ្នាំថ្មី ប្រពៃណី២០១៩ សម្ព័ន្ធយុវជនទីក្រុងបានប្រគល់ នំអន្សមចំនួន៣ពាន់ ជូន ចំពោះបណ្ដាកម្មករដែលមានស្ថានភាពរស់នៅលំបាក ហើយប្រគល់អំណោយ បុណ្យតេតចំនួន៥០០កញ្ចប់ជូនចំពោះជនក្រីក្រ គ្រួសារគោលនយោបាយ និង កូនៗរបស់យុទ្ធជន ផងដែរ។ លោក Minh បានសំណេះសំណាលថា៖
“សម្ព័ន្ធយុវជនទីក្រុងបានប្រគល់អំណោយជូនចំពោះកូនៗរបស់កម្មាភិបាល យុទ្ធជនដែលកំពុងធ្វើការនៅតំបន់ទី៣កងទ័ពជើងទឹក ក៏ដូចជាកូនៗរបស់អ្នក នេសាទនៅក្នុងតំបន់ផងដែរ។ តាមរយៈសកម្មភាពនេះ យើងខ្ញុំមានគោលបំណង ថា ប្អូនៗនិងក្រុមគ្រួសារនឹងទទួលអំណរបុណ្យតេតប្រកបដោយភាពកក់ក្ដៅនិង សុភមង្គល។ ក្នុងឱកាសបុណ្យតេតនេះដែរ យើងខ្ញុំក៏ជូនអំណោយចំពោះគ្រួសារ ក្រីក្រនិងគ្រួសារគោលនយោបាយមួយចំនួននៅទីក្រុងទៀតផង”។
នាថ្ងៃដដែល កម្មវិធី “និទាឃរដូវនៅកោះសមុទ្រ” ក៏បានប្រព្រឹត្តទៅនៅ កំពង់ផែ An Hoa ឃុំ Tam Giang ស្រុក Nui Thanh ខេត្ត Quang Nam។ គណៈ ចាត់តាំងបានប្រគល់អំណោយបុណ្យតេតជូនចំពោះកូនៗរបស់កម្មាភិបាល យុទ្ធជននៃកងកម្លាំងសមត្ថកិច្ចដែលមានស្ថានភាពរស់នៅលំបាក ក៏ដូចជា គ្រួសារអ្នកនេសាទទៀតផង ដើម្បីជួយគេទទួលអំណរបុណ្យចូលឆ្នាំថ្មីប្រពៃណី ជាតិប្រកបដោយភាពសប្បាយរីករាយ៕