អ្នកប្រើប្រាស់ជ្រើសរើសទិញទំនិញនៅក្នុងផ្សារទំនើបក្នុងក្រុង Walthamstow ភាគខាងកើតទីក្រុងឡុងដ៍។ រូបថត៖ AFP/TTXVN

ទាក់ទងនឹងយថាទស្សន៍កំណើនសេដ្ឋកិច្ចនៃប្រទេស និងតំបន់ជុំវិញពិភពលោក យោងតាមធនាគារពិភពលោក កំណើនរបស់សហរដ្ឋអាមេរិកត្រូវបានព្យាករណ៍ថា នឹងធ្លាក់ចុះនៅឆ្នាំនេះ មកត្រឹម ១,៦% បើធៀបនឹងកម្រិត ២,៥% កាលពីឆ្នាំមុន ដោយសារគោលនយោបាយរូបិយវត្ថុរឹតបន្តឹង។ សម្រាប់តំបន់ចាយប្រាក់អឺរ៉ូ កំណើននៅឆ្នាំនេះត្រូវបានព្យាករណ៍ថានឹងមាន ០,៧% បន្ទាប់ពីការកើនឡើងនៃតម្លៃថាមពលនាំឲ្យមានកំណើនត្រឹមតែ ០,៤% កាលពីឆ្នាំមុន។ អត្រាកំណើនសេដ្ឋកិច្ចរបស់ចិនក៏ត្រូវបានព្យាករណ៍ថានឹងធ្លាក់ចុះមកនៅត្រឹម ៤,៥% នៅឆ្នាំនេះ។ ទីផ្សារដែលកំពុងរីកចម្រើន និងសេដ្ឋកិច្ចកំពុងអភិវឌ្ឍន៍ត្រូវបានព្យាករណ៍ថា នឹងកើនឡើង ៣,៩% នៅឆ្នាំនេះ ធ្លាក់ចុះពីកម្រិត ៤% កាលពីឆ្នាំមុន និង ១% ទាបជាងមធ្យមភាគក្នុងឆ្នាំ ២០១០៕