ទាហានម៉ាលីមកដល់ទីលានឯករាជ្យនៅបាម៉ាកូនៅថ្ងៃទី ១៨ ខែសីហាឆ្នាំ ២០២០ (រូបថត៖ AFP/TTXVN)

នៅថ្ងៃទី ២៥ ខែមិថុនា យ៉ាង ហោចណាស់មានទាហានម៉ាលី ៦ នាក់ត្រូវបានស្លាប់នៅក្នុងការវាយប្រហារដ៏គួរឱ្យភ្ញាក់ផ្អើលមួយនៅភាគកណ្តាលនៃប្រទេសចំណុះតំបន់ Sahel នេះ ខណៈដែលកងរក្សាសន្តិភាពអង្គការសហប្រជាជាតិចំនួន ១៥ នាក់បានរងរបួសផងដែរនៅក្នុងការវាយប្រហារមួយផ្សេងទៀត នៅក្នុងការបំផ្ទុះគ្រាប់បែករថយន្តនៅតំបន់ភាគខាងជើងនៃប្រទេសម៉ាលី។

អ.ស.ប បានឲ្យដឹងថា គ្រាប់បែកក្នុងរថយន្តបានវាយប្រហារមូលដ្ឋានអង្គការសហប្រជាជាតិបណ្តោះអាសន្នមួយនៅជិត Tarkint ដែលជាតំបន់អស្ថិរភាពនៅភាគខាងជើងប្រទេសម៉ាលី និងបានបង្ខំឱ្យកងកម្លាំងដែលឈរជើងនៅទីនោះត្រូវជម្លៀសចេញ។ នៅថ្ងៃដដែលនៅភាគកណ្តាលប្រទេសម៉ាលី ក្រុមឧទ្ទាមក៏បានវាយប្រហារទីតាំងយោធានៅក្នុងភូមិ Boni ដោយបានសម្លាប់ទាហានម៉ាលីចំនួន ៦ នាក់និងម្នាក់ទៀតរងរបួស៕