(VOVworld) - សន្ទស្សន៍ VN-Index បានឈានដល់កំពូលខ្ពស់បំផុតក្នុងអំឡុង
៨ឆ្នាំកន្លងមក គិតតាំងពីខែមិនាឆ្នាំ២០០៨។ទីផ្សារភាគហ៊ុនវៀតណាមត្រូវបានវាយ
តំលៃថា ជាទីផ្សារមួយក្នុងចំណោម៥ទីផ្សារដែលមានកំណើនខ្ពស់បំផុតលើពិភព
លោក និងមានកំរិតប្រាក់ចំណេញធំបំផុតនៅតំបន់អាស៊ីអាគ្នេយ៍ក្នុងត្រីមាសទី២។
នេះជាព័ត៌មានត្រូវបានប្រកាសនៅសន្និសីទកាសែតខែសីហាឆ្នាំ២០១៦ របស់
គណៈកម្មាធិការភាគហ៊ុនរដ្ឋ នាថ្ងៃទី២៤ សីហា នៅរដ្ឋធានីហាណូយ។តាមរបាយ
ការណ៍របស់គណៈកម្មាធិការពោលខាងលើថា ក្នុងឆមាសទី១ឆ្នាំនេះ រលកទុនវិនិ
យោគពីបរទេសចូលទៅទីផ្សារភាគហ៊ុនបានកើនឡើង៣,៥ដង បើប្រៀបនឹងរយៈ
ពេលដូចគ្នានៃឆ្នាំទៅមិញ ដោយទទួលបាន៧រយ២០លានដុល្លា អាមេរិក។ក្នុង
ពេលនោះ តំលៃផលិតកម្មឧស្សាហកម្មក្នុងឆមាសទី១ឆ្នាំ២០១៦ កើនឡើង៧,៥%
បើប្រៀបនឹងរយៈពេលដូចគ្នានៃឆ្នាំទៅមិញ ហើយរលកទុន វិនិយោគផ្ទាល់ពីបរ
ទេសក៏កើនឡើង៤៧%បើប្រៀបនឹងរយៈពេលដូចគ្នានៃឆ្នាំទៅមិញដែរ៕