នៅក្នុងជំនួបទ្វេភាគីជាមួយរដ្ឋមន្ត្រីក្រសួងការពារជាតិឥណ្ឌូនេស៊ី លោក Prabowo Subianto ភាគីទាំងពីរបានឯកភាពជំរុញកិច្ចសហប្រតិបត្តិការ និងផ្លាស់ប្តូរ គណៈប្រតិភូគ្រប់ជាន់ថ្នាក់ ជាពិសេសថ្នាក់ជាន់ខ្ពស់; ពង្រីកយន្តការនៃកិច្ចសន្ទនា គោលនយោបាយការពារជាតិថ្នាក់អនុរដ្ឋមន្ត្រី ក្រុមការងាររួម ការផ្លាស់ប្តូរព័ត៌មាន ចារកម្ម; រក្សាកិច្ចសហប្រតិបត្តិការបណ្តុះបណ្តាលកម្មាភិបាល; ពង្រឹងកិច្ចសហប្រតិ បត្តិការរវាងកងទ័ពជើងទឹក និងកងទ័ពជើងអាកាសនៃប្រទេសទាំងពីរ; ពន្លឿនកិច្ច សហប្រតិបត្តិការឧស្សាហកម្មការពារជាតិ ការជួយសង្គ្រោះ ពេទ្យយោធា; បន្តត្រួត ពិនិត្យ និងសុក្រិតក្របខ័ណ្ឌកិច្ចសហប្រតិបត្តិការនានា។

រដ្ឋមន្ត្រីក្រសួងការពារប្រទេសវៀតណាម លោក Phan Van Giang និងរដ្ឋមន្ត្រីក្រសួងការពារជាតិអាមេរិក លោក Lloyd Austin។ (រូបថត៖ VOV)

ក្នុងជំនួបជាមួយរដ្ឋមន្ត្រីក្រសួងការពារជាតិអាមេរិក លោក Lloyd Austin លោក រដ្ឋមន្ត្រី Phan Van Giang បានស្នើថា នាពេលខាងមុខ ភាគីទាំងពីរបន្តដំណើរការ វិស័យសហប្រតិបត្តិការ តាមកិច្ចព្រមព្រៀងដែលបានចុះហត្ថលេខា។ តាមនោះ បន្ត ផ្តល់អាទិភាពដល់ការបង្កើនធនធានសម្រាប់ជួយឧបត្ថម្ភវៀតណាមក្នុងវិស័យជំនះ ពុះពារលើផលវិបាកក្រោយសង្គ្រាម ក្នុងនោះ មានការពន្លឿនគម្រោងការណ៍បោស សម្អាតការបំពុលដោយជាតិគីមីឌីអុកស៊ីន នៅអាកាសយានដ្ឋាន Bien Hoa Dong Nai ក៏ដូចជាកៀងគរធនធានដើម្បីដោះស្រាយការបំពុលដោយឌីអុកស៊ីននៅទីនេះ; បន្ត នាំវិស័យសហប្រតិបត្តិការក្នុងការរក្សាសន្តិភាព ពេទ្យយោធា និងវិស័យសហប្រតិបត្តិ ការដែលមានស្រាប់រវាងភាគីទាំងពីរឱ្យកាន់តែជាក់ស្តែង និងមានប្រសិទ្ធភាព ថែមទៀត។

ក្នុងជំនួបជាមួយរដ្ឋមន្ត្រីការពារជាតិកូរ៉េខាងត្បូង លោក Lee Jong-sup រដ្ឋមន្ត្រី ទាំងពីរបានឯកភាពបន្តជំរុញការផ្លាស់ប្តូរគណៈប្រតិភូគ្រប់ជាន់ថ្នាក់ រួមទាំងគណៈ ប្រតិភូជាន់ខ្ពស់ រក្សាយន្តការសហប្រតិបត្តិការប្រចាំឆ្នាំ។ លោករដ្ឋមន្ត្រី Phan Van Giang បានស្នើឱ្យលោករដ្ឋមន្ត្រី Lee Jong-sup យកចិត្តទុកដាក់ជំរុញកិច្ចសហ ប្រតិបត្តិការលើវិស័យជំនះពុះពារលើផលវិបាកដោយសង្គ្រាម ក្នុងនោះមាន “គម្រោង សកម្មភាពគ្រាប់បែកមីនដើម្បីភូមិសន្តិភាពវៀតណាម - កូរ៉េខាងត្បូង” ដំណាក់កាលឆ្នាំ ២០២២ - ២០២៦។

រដ្ឋមន្ត្រីក្រសួងការពារប្រទេសវៀតណាម លោក Phan Van Giang និងរដ្ឋមន្ត្រីក្រសួងការពារជាតិឥណ្ឌាលោក Shri Rajnath Singh។ (រូបថត៖ Twitter)

នៅក្នុងជំនួបទ្វេភាគីជាមួយរដ្ឋមន្ត្រីក្រសួងការពារជាតិឥណ្ឌាលោក Shri Rajnath Singh ភាគីទាំងពីរបានឯកភាពបន្តបង្កើនការផ្លាស់ប្តូរគណៈប្រតិភូគ្រប់ជាន់ថ្នាក់ ជា ពិសេសដំណើរទស្សនកិច្ច និងជំនួបប្រាស្រ័យជាន់ខ្ពស់របស់ថ្នាក់ដឹកនាំនៃក្រសួង ការពារជាតិនៃប្រទេសទាំងពីរ; ជំរុញកិច្ចសហប្រតិបត្តិការរវាងផ្នែកទ័ពនានានៃ ប្រទេសទាំងពីរ; ដាក់ពង្រាយអនុវត្តន៍កិច្ចសហប្រតិបត្តិការឧស្សាហកម្មការពារជាតិ តាមកិច្ចព្រមព្រៀងដែលបានចុះហត្ថលេខា៕