អញ្ជើញថ្លែងក្នុងសវនាការជជែកដេញដោលក្នុងរដ្ឋសភាអ៊ីស្រាអែលកាលពីរសៀលថ្ងៃទី ១៧ កក្កដា នាយករដ្ឋមន្ត្រីលោក Benjamin Netanyahu បានអះអាងថា  អ៊ីស្រាអែលកាន់តែខិតទៅជិតគោលដៅដែលបានកំណត់ក្នុងការប្រយុទ្ធប្រឆាំងនឹងកងកម្លាំងហាម៉ាសនៅតំបន់ហ្គាហ្សា ពោលគឺជួយសង្គ្រោះចំណាប់ខ្មាំង កម្ចាត់ហាម៉ាស ហើយធានាថា តំបន់ហ្កាហ្សាលែងជាការគម្រាមកំហែងដល់អ៊ីស្រាអែលនាពេលអនាគត។

លោក Netanyahu បានចាត់ទុកថា លទ្ធផលដែលសម្រេចបាន ដោយសារវិធានការដាក់សម្ពាធទាំងខាងការទូត និងយោធារួមបញ្ចូលគ្នាលើហាម៉ាស់។ ក្រុមប្រដាប់អាវុធប៉ាឡេស្ទីនកំពុងស្ថិតនៅក្រោមសម្ពាធយ៉ាងធំធេង បាត់បង់មេដឹកនាំជាច្រើននាក់ និងយុទ្ធជនរាប់ពាន់នាក់ ហើយអ៊ីស្រាអែលកំពុងស្ថិតនៅលើផ្លូវឆ្ពោះទៅជ័យជម្នះពេញលេញ។

ក្នុងសវនាការជជែកដេញដោលក្នុងរដ្ឋសភានាថ្ងៃទី ១៧ កក្កដាដដែល មេដឹកនាំភាគីប្រឆាំងលោក Yair Lapid បានស្នើឱ្យនាយករដ្ឋមន្ត្រីលោក Benjamin Netanyahu ប្រកាសទទួលយកកិច្ចព្រមព្រៀងផ្លាស់ប្តូរចំណាប់ខ្មាំងក្នុងសុន្ទរកថារបស់លោកទៅកាន់សរដ្ឋភាសហរដ្ឋអាមេរិកនាថ្ងៃទី ២៤ ខែកក្កដាខាងមុខ ឬត្រូវលុបចោលដំណើរទស្សនកិច្ចនេះ។