ពិធីអបអរសាទរទិវាបង្កើតអាស៊ានត្រូវបានប្រារព្ធឡើងតាមរយៈប្រព័ន្ធវីដេអូ

តាងនាមបណ្តាប្រទេសសមាគមប្រជាជាតិអាស៊ីអាគ្នេយ៍ (អាស៊ាន) ឯកអគ្គរដ្ឋទូតលោក Dang Dinh Quy ប្រធានគណៈប្រតិភូតំណាងអចិន្ត្រៃយ៍វៀតណាម ប្រចាំនៅអង្គការសហប្រជាជាតិ បានសង្កត់ធ្ងន់ ថា អាស៊ានបានឆ្លងកាត់ការបង្កើតនិងអភិវឌ្ឍន៍យ៉ាងខ្លាំង អស់រយៈពេល ៥៣ ឆ្នាំមកហើយ។ ពីតំបន់មួយត្រូវសង្គ្រាម បែងចែក ហើយបានក្លាយជាតំបន់សន្តិភាព ស្ថិរភាព វិបុលភាពនិងស្វាហាប់។ សមិទ្ធិ ផលទាំងនេះ មិនត្រឹម តែពឹងផ្អែកទៅលើការខិតខំប្រឹងប្រែងរបស់ប្រជាជនអាស៊ានប៉ុណ្ណោះទេ ថែមទាំងមកពីទំនាក់ទំនងជិតស្និទ្ធជាមួយបណ្តាប្រទេសដៃគូ មិត្តភក្តិជុំវិញពិភពលោក និងអង្គការសហប្រជាជាតិទៀតផង។ តាងនាមបណ្តាប្រទេសអាស៊ាន លោកឯកអគ្គរដ្ឋទូតបានបញ្ជាក់ពីការប្តេជ្ញាចិត្ត រួមជាមួយបណ្តាប្រទេសដទៃទៀត ដើម្បីជំរុញទំនាក់ទំនងអាស៊ាន - អង្គការសហប្រជាជាតិ ឲ្យមានការអភិវឌ្ឍកាន់តែខ្លាំងក្លាថែមទៀត ជាពិសេស ក្នុងវិស័យនយោបាយ សេដ្ឋកិច្ច វប្បធម៌និងសង្គម។

សូមគូសបញ្ជាក់ថា អាស៊ានត្រូវបានបង្កើតឡើងនៅថ្ងៃទី ៨ ខែសីហាឆ្នាំ ១៩៦៧ ដោយសេចក្តីប្រកាសទីក្រុងបាងកក ដែលគូសសញ្ញានូវព្រឹត្តិការណ៍សំខាន់មួយនៅក្នុងដំណើរការអភិវឌ្ឍន៍របស់តំបន់។ ពិធីនេះត្រូវបានប្រារព្ធធ្វើឡើង ដើម្បីបន្តបញ្ជាក់ពីអត្តសញ្ញាណសហគមន៍អាស៊ាន ហើយបន្សល់ទុកចំពោះមិត្តភក្តិអន្តរជាតិនូវការចាប់អារម្មណ៍យ៉ាងខ្លាំង អំពីរូបភាពសហគមន៍អាស៊ាន ពោរពេញដោយសាមគ្គីភាពនិងចំណងមិត្ត ភាព៕