 រុស្ស៊ី និងបេឡារុស្សធ្វើសមយុទ្ធរួមគ្នា (រូបថត៖ Belra.by) |
រដ្ឋមន្រ្តីក្រសួងការពារជាតិបេឡារុស្សបាននាំចេញសេចក្តីប្រកាសនេះ ក្នុងបរិបទ ដែលរុស្ស៊ី និងបេឡារុស្សកំពុងធ្វើសមយុទ្ធរួមគ្នា ដែលមានឈ្មោះថា“ចំណងភាតរភាព Slavo- ២០២០” ដែលធ្វើឡើងនៅប្រទេសបេឡារុស្ស។ លោក Viktor Khrenin បានប្រកាសថា កម្លាំងយោធារបស់រុស្ស៊ី និងបេឡារុស្សនឹងបន្តធានាសន្តិសុខ សម្រាប់ប្រទេសទាំងពីរ ហើយត្រៀមខ្លួនជាស្រេចទប់ទល់នឹងរាល់ការគំរាមកំហែង។ លោកបានថ្លែងថា៖ “ខ្ញុំអាចនិយាយដោយក្ដីជឿទុកចិត្តថា យើងខ្ញុំបានត្រៀមខ្លួនជាស្រេចទប់ទល់នឹងរាល់ការគំរាមកំហែង។ យើងខ្ញុំបានធានា និងបន្តធានាសន្តិសុខយោធារបស់រដ្ឋ សង្គម និងប្រជាពលរដ្ឋទាំងអស់ ដែលមានបំណងចង់រស់នៅ និងធ្វើការប្រកបដោយសន្តិភាព ដើម្បីផលប្រយោជន៍របស់ប្រទេសខ្លួនផងដែរ”៕