នៅក្នុងបរិបទដែលគណបក្សសាធារណរដ្ឋកំពុងរៀបចំសមាជ ហើយលោក Donal Trump នឹងទទួលយកការតែងតាំងជាបេក្ខជនប្រធានាធិបតីក្នុងការបោះឆ្នោត ប្រធានាធិបតីនោះ គណបក្សប្រជាធិបតេយ្យកំពុងមានសំឡេងផ្ទៃក្នុងអំពីលទ្ធភាពដែលប្រធានាធិបតី លោក Biden គួរតែបន្តធ្វើជាបេក្ខជនរបស់គណបក្សដែរទអត់។ បច្ចុប្បន្ននេះ សមាជិកសភាជាន់ទាប់មកពីគណបក្សប្រជាធិបតេយ្យចំនួន ២០ នាក់បានអំពាវនាវជាសាធារណៈឱ្យប្រធានាធិបតីលោក Biden បោះបង់ចោលយុទ្ធនាការបោះឆ្នោត ហើយគណបក្សប្រជាធិបតេយ្យស្វែងរកបេក្ខជនជំនួសលោក។ យោងតាមលទ្ធផលស្ទង់មតិដែលបានចេញផ្សាយនាពេលថ្មីៗនេះរបស់ទីភ្នាក់ងារសារព័ត៌មាន AP និងមជ្ឈមណ្ឌលស្រាវជ្រាវមតិជាតិ (NORC) មនុស្សចំនួន ៦៥% ដែលគាំទ្រគណបក្សប្រជាធិបតេយ្យបានចាត់ទុកថា ប្រធានាធិបតីលោក Biden គួរតែដកខ្លួន ហើយទុកឱ្យគណបក្សប្រជាធិបតេយ្យជ្រើសរើសបេក្ខជនផ្សេងទៀត។ ទន្ទឹមនឹងនោះ មនុស្សត្រឹមតែ ៣៥% ប៉ុណ្ណោះដែលគាំទ្រប្រធានាធិបតីលោក Biden បន្តឈរឈ្មោះបោះឆ្នោតផងដែរ៕