ទិដ្ឋភាពនៅកិច្ចសន្ទនា។ (រូបថត៖ TTXVN)

លោកឯកអគ្គរដ្ឋទូត Dang Hoang Giang ប្រធានស្ថានបេសកកម្មវៀតណាមប្រចាំនៅអង្គការសហប្រជា ជាតិ បានអញ្ជើញជាវាគ្មិនស្នូលនៅកិច្ចសន្ទនា។ លោកឯកអគ្គរដ្ឋទូត Dang Hoang Giang បានចែករំលែកក្តីបារម្ភអំពីវឌ្ឍនភាពនៃការអនុវត្តគោលដៅអភិវឌ្ឍន៍ប្រកប ដោយចីរភាពនៅក្នុងតំបន់អាស៊ីប៉ាស៊ីហ្វិក ដោយសារផលប៉ះពាល់នៃវិបត្តិពហុវិមាត្រ។ ចែករំលែកអំពីបទពិសោធន៍របស់វៀតណាមក្នុងការអនុវត្តសកម្មភាពឆ្លើយតបទៅនឹងបម្រែបម្រួលអាកាសធាតុ និងការផ្លាស់ប្តូរថាមពលបៃតង លោកឯកអគ្គរដ្ឋទូត Dang Hoang Giang បានសង្កត់ធ្ងន់ថា នេះជាមាគ៌ាដែលជៀសមិនផុតនៃការអភិវឌ្ឍប្រកប ដោយចីរភាព។ តាមបទពិសោធន៍របស់វៀតណាមនាពេលកន្លងមក លោកឯកអគ្គរដ្ឋ ទូតបានចាត់ទុកថា ការសន្យាដ៏ខ្លាំងក្លាក្នុងការឆ្លើយតបនឹងអាកាសធាតុគួរតែផ្ដើម ចេញពីចក្ខុវិស័យរយៈពេលវែង តាមរយៈវិធីអភិក្រមដែលយកមនុស្សជាមជ្ឈភាព ប្រជាជនជាម្ចាស់និងអភិបាលកិច្ចល្អ ការបង្កើនកិច្ចសហប្រតិបត្តិការអន្តរជាតិដើម្បី កៀរគរហិរញ្ញវត្ថុ និងការផ្ទេរបច្ចេកវិទ្យា លើកកំពស់សមត្ថភាព និងកាត់បន្ថយផល ប៉ះពាល់ដោយការប្រែប្រួលអាកាសធាតុ ធានាសមធម៌និងយុត្តិធម៌៕