មីស៊ីលលឿនជាងសំឡេងប្រភេទថ្មីរបស់កូរ៉េខាងជើងត្រូវបានបាញ់ចេញពីខេត្ត Jagang ភាគខាងជើង។ រូបថត (ចេញផ្សាយដោយ KCNA ថ្ងៃទី ៦ ខែមករា ឆ្នាំ ២០២២)៖ KCNA/TTXVN

កិច្ចសន្ទាតាមទូរស័ព្ទបានប្រព្រឹត្តិទៅ ២ថ្ងៃបន្ទាប់ពីកូរ៉េខាងជើងបានបាញ់បង្ហោះវត្ថុហោះហើយមួយដែលត្រូវបានចាត់ទុកថា ជាមីស៊ីលល្បឿនលឿនជាងសំឡេង ដែលជាការបាញ់បង្ហោះលើកទីពីរក្នុងរយៈពេលតិចជាងមួយសប្តាហ៍។ នៅក្នុងកិច្ចសន្ទនាតាមទូរស័ព្ទនេះ អនុរដ្ឋមន្ត្រីការពារជាតិកូរ៉េខាងត្បូងលោក Kim Man-ki ឧបការីរដ្ឋមន្ត្រីការពារជាតិអាមេរិកទទួលបន្ទុកកិច្ចការសន្តិសុខតំបន់ឥណ្ឌា-ប៉ាស៊ីហ្វិកលោក Ely Ratner និងលោក Kazuo Masuda មកពីក្រសួងការពារជាតិជប៉ុន បានពិភាក្សាចែករំលែកទស្សនៈស្តីពីស្ថានភាពសន្តិសុខជុំវិញឧបទ្វីបកូរ៉េ រួមទាំងការបាញ់បង្ហោះមីស៊ីលថ្មីបំផុត។ សេចក្តីប្រកាសរបស់ក្រសួងនេះបានលើច្បាស់ថា កូរ៉េខាងត្បូងនិងអាមេរិកបានឯកភាពគ្នាក្នុងការពន្លឿនការវិភាគស៊ីជម្រៅ និងជំហានត្រៀមរៀបចំសម្រាប់វិធានការឆ្លើយតបទៅនឹងការបាញ់សាកល្បងមីស៊ីលរបស់កូរ៉េខាងជើង។ មន្ត្រីទាំងនេះក៏បានអះអាងសារជាថ្មី អំពីសារៈសំខាន់នៃកិច្ចសហប្រតិបត្តិការសន្តិសុខត្រីភាគី ហើយបានយល់ព្រមរៀបចំកិច្ចសន្ទនារដ្ឋមន្ត្រីការពារជាតិត្រីភាគីតាមពេលវេលាដែលបានឯកភាពគ្នា៕