 សម្តេចហ៊ុនសែននាយករដ្ឋមន្រ្តីនៃព្រះរាជាណាចក្រកម្ពុជា (រូបថត៖ ហ្វេសប៊ុកផ្ទាល់ខ្លួនរបស់សម្ដេចហ៊ុនសែន) |
នៅលើហ្វេសប៊ុកផ្ទាល់ខ្លួន នៅថ្ងៃទី ២៨ ខែកុម្ភៈ សម្តេចហ៊ុនសែន បានឲ្យដឹងថា វ៉ាក់សាំងឈ្មោះ អាស្រ្តាហ្សេនី កា (AstraZeneca) ដែលផលិតនៅឥណ្ឌាចំនួន ៣២៤,០០០ដូស នឹងមកដល់ព្រលានយន្តហោះអន្តរជាតិភ្នំពេញនៅថ្ងៃទី ២ ខែមិនា ឆ្នាំ ២០២១។
នេះគឺជាចំនួនវ៉ាក់សាំង បង្ការកូវីដ ១៩ ដើមដំបូង ដែលជាជំនួយបឋមផ្តល់ដោយមជ្ឈមណ្ឌលកូវ៉ាក់ (COVAX Facility) សម្រាប់កម្ពុជា។ តាមផែនការ COVAX នឹងផ្តល់វ៉ាក់សាំងបង្ការកូវីដ ១៩ ប្រមាណ ៦,៤ លានដូស ស្នើនឹង ២០% នៃចំនួនប្រជាជន (៣,២ លាននាក់) ផងដែរ៕