យន្តហោះចម្បាំង F-35 របស់ក្រុមហ៊ុន Lockheed Martin នៅពិព័រណ៍យន្តហោះអន្តរជាតិប៉ារីស ប្រទេសបារាំង។ (រូបថត៖ AFP/TTXVN) |
យោងតាមទិន្នន័យរបស់ SIPRI ការចំណាយលើវិស័យយោធាពិភពលោកទាំងមូលក្នុងឆ្នាំ២០២២ បានបន្តសន្ទុះកើនឡើងរយៈពេល៨ឆ្នាំបន្តបន្ទាប់ ឡើងដល់ កម្រិត ២,២៤ ទ្រីលានដុល្លារ ស្មើនឹង ២,២% នៃផលិតផលក្នុងស្រុកសរុប GDP របស់ពិភពលោក។ សហរដ្ឋអាមេរិក ចិន រុស្ស៊ី ឥណ្ឌា និងអារ៉ាប៊ីសាអូឌីត គឺជាប្រទេសឈានមុខគេនៅលើពិភពលោក ក្នុងការចំណាយលើវិស័យយោធា។ ប្រទេសទាំងនេះស្រូបយក ៣៩% ១៣% ៣,៩% ៣,៦% និង ៣,៣% នៃការចំណាយយោធារបស់ពិភពលោក។
យោងតាមអ្នកជំនាញរបស់ SIPRI ការចំណាយលើវិស័យយោធារបស់រុស្ស៊ីត្រូវបានប៉ាន់ប្រមាណថានឹងកើនឡើង ៩,២% ដល់កម្រិត ៨៦,៤ពាន់លានដុល្លារ។ ការចំណាយលើវិស័យយោធារបស់អ៊ុយក្រែនបានកើនឡើង ៦៤០% ដែលជាការកើនឡើងប្រចាំឆ្នាំខ្ពស់បំផុតសម្រាប់ប្រទេសមួយ ចាប់តាំងពីឆ្នាំ ១៩៤៩ នៅពេលដែល SIPRI បានចាប់ផ្តើមធ្វើការស្ថិតិការចំណាយលើវិស័យការពារជាតិជាសកល។ ថវិកាការពារជាតិរបស់អ៊ុយក្រែនមានចំនួន ៤៤ពាន់លានដុល្លារ ស្មើនឹង១/៣នៃ GDP របស់អ៊ុយក្រែន ដោយមិនគិតពីជំនួយយោធាដ៏ច្រើនដែលលោកខាងលិចផ្តល់ឲ្យអ៊ុយក្រែន៕