(VOVworld) - ថ្លែងមតិលើទូរទស្សន៍កាលពីថ្ងៃទី១៣ សីហា រដ្ឋមន្រ្តីការពារជាតិ រុស្ស៊ីលោក Sergey Shoigu ឲ្យដឹងថា ក្រោយពីយុទ្ធនាការប្រយុទ្ធប្រឆាំងកម្លាំង រដ្ឋអ៊ីស្លាម (IS) ស្វ័យប្រកាស ក្នុងរយៈពេល២ខែកន្លងទៅ កងទ័ពរដ្ឋាភិបាលស៊ីរី បានដណ្ដើមយកវិញនូវតំបន់ដែនដីធំល្វឹងល្វើយ ២,៥ដងបើប្រៀបនឹងតំបន់ដែនដីដែលកម្លាំងភេរវកម្មនេះទន្ទ្រានកាន់កាប់នាខែកញ្ញាឆ្នាំ២០១៥។ លោក Sergey Shoigu សង្កត់ធ្ងន់ថា កងទ័ពស៊ីរី ដណ្ដើមបានសមិទ្ធិគួរឲ្យកត់សម្គាល់ក្នុងយុទ្ធ នាការរំដោះស៊ីរីដោយមានការជួយឧបត្ថម្ភរបស់កងទ័ពជើងអាកាសរុស្ស៊ី។ រុស្ស៊ី បាននិងកំពុងជួយឧបត្ថម្ភ កងកម្លាំងស៊ីរីប្រយុទ្ធប្រឆាំង IS ចាប់តាំងពីឆ្នាំ២០១៥មក៕