នៅក្នុងពិធីនេះ ឧត្តមសេនីយត្រីបម្រុង Ameer Muhammad Umrani អគ្គមេបញ្ជាការស្តីទី និងជាមេបញ្ជាការបេសកកម្ម UNISFA បានអះអាងថា ក្រុមកងវិស្វកម្មលេខ ២ របស់វៀតណាមបានដើរតួនាទីយ៉ាងសំខាន់ក្នុងការរក្សាសន្តិភាព និងស្ថិរភាពក្នុងតំបន់។ រាល់ការខិតខំប្រឹងប្រែងមិនចេះនឿយហត់របស់ពួកគេមិនត្រឹមតែរួមចំណែកដល់ការកសាង និងថែរក្សាហេដ្ឋារចនាសម្ព័ន្ធសំខាន់ៗប៉ុណ្ណោះទេ ប៉ុន្តែថែមទាំងនាំមកនូវក្តីសង្ឃឹមដល់សហគមន៍មូលដ្ឋានផងដែរ។

ឧត្តមសេនីយទោ Pham Truong Son ប្រគល់មេដាយសម្រាប់បុព្វហេតុថែរក្សាសន្តិភាពរបស់អង្គការសហប្រជាជាតិ ដល់ក្រុមវិស្វកម្ម លេខ ២ និងក្រុមការងារ នៅបេសកកម្ម UNISFA។ រូបថត៖ Ngoc Hung/UNISFA

នៅថ្ងៃដដែលនោះ គណៈប្រតិភូការងារដឹកនាំដោយឧត្តមសេនីយទោ Pham Truong Son អគ្គសេនាធិការរងនៃកងទ័ពប្រជាជនវៀតណាមបានទៅទស្សនា ត្រួតពិនិត្យ និងលើកទឹកចិត្តដល់កងកម្លាំងរក្សាសន្តិភាពរបស់វៀតណាមនៅមូលដ្ឋាន Highway ជាកន្លែងដែលក្រុមកងវិស្វករវៀត ណាមឈរជើងនៅបេសកកម្ម UNISFA  តំបន់ Abyei។

វៀតណាមបានចូលរួមជាផ្លូវការ ក្នុងប្រតិបត្តិការរក្សាសន្តិភាពរបស់អង្គការ សហប្រជាជាតិចាប់តាំងពីខែឧសភា ឆ្នាំ ២០១៤ ជាមួយនឹងការដាក់ពង្រាយកម្មាភិបាលពីរនាក់ជាអ្នកសង្កេតការណ៍យោធា ទៅកាន់ប្រទេសស៊ូដង់ខាងត្បូង៕