នោះគឺជាការអះអាងរបស់ឯកអគ្គរដ្ឋទូតវៀតណាមប្រចាំនៅវេណេហ្ស៊ុយអេឡា និងអាហ្សង់ទីនក្នុងជំនួបធ្វើការជាមួយគណៈប្រតិភូ VOV ដឹកនាំដោយលោក អគ្គនាយករង Ngo Minh Hien ដែលកំពុងបំពេញទស្សនកិច្ចការងារនៅតំបន់។

ក្រុមការងារបស់ VOV មកធ្វើការនៅវិទ្យុជាតិវេណេហ្ស៊ុយអេឡា។ (រូបថត៖ VOV)

នៅទីក្រុង Caracas ឯកអគ្គរដ្ឋទូតវៀតណាមប្រចាំនៅវេណេស៊ុយអេឡា លោក Vu Trung My បានវាយតំលៃថា កិច្ចពិភាក្សាជាមួយ VOV និងដៃគូនានា បាននាំមកនូវ លទ្ធផលជាច្រើនសម្រាប់កិច្ចសហប្រតិបត្តិការផ្នែកសារព័ត៌មានរវាងភាគីទាំងពីរ និយាយរួម និងការងារព័ត៌មានកិច្ចការបរទេសនៅមូលដ្ឋាននិយាយដោយឡែក។ លោកឯកអគ្គរដ្ឋទូត Vu Trung My បានសង្កត់ធ្ងន់ថា ស្ថានទូតត្រូវការមានដៃគូសារ ព័ត៌មានដ៏រឹងមាំ និងផ្តល់អាទិភាពខ្ពស់ដល់ការងារព័ត៌មានកិច្ចបរទេសដូចជា VOV។

លោកស្រី Ngo Minh Nguyet (នៅកណ្ដាល) ឯកអគ្គរដ្ឋទូតវៀតណាមប្រចាំអាហ្សង់ទីន ទទួលជួបក្រុមការងាររបស់ VOV។ (រូបថត៖ VOV)

នៅប្រទេសអាហ្សង់ទីន លោកស្រីឯកអគ្គរដ្ឋទូតវៀតណាម Ngo Minh Nguyet បានវាយតំលៃខ្ពស់ចំពោះលទ្ធផលសហប្រតិបត្តិការសំខាន់ និងមានប្រសិទ្ធភាពដែល VOV បានបង្កើតក្នុងប៉ុន្មានឆ្នាំកន្លងមកជាមួយដៃគូដូចជា៖ វិទ្យុជាតិអាហ្សង់ទីន និង ប្រព័ន្ធផ្សព្វផ្សាយរដ្ឋសហព័ន្ធអាហ្សង់ទីន ... ការផ្លាស់ប្តូរកម្មវិធីក៏ជួយសាធារណៈជន នៃភាគីទាំងពីរ ទទួលបានព័ត៌មានត្រឹមត្រូវ ពិត និងសម្បូរបែបអំពីគ្នាទៅវិញទៅមក; បង្កើនការយល់ដឹងរវាងប្រជាជននៃប្រទេសទាំងពីរ ជាពិសេសការងារសារព័ត៌មាន និងព័ត៌មានកិច្ចការបរទេស។

រីឯខ្លួនវិញ អគ្គនាយករង VOV លោក Ngo Minh Hien បានថ្លែងអំណរគុណ ចំពោះការគាំទ្រ និងការរួមដំណើរយ៉ាងសកម្មរបស់ ស្ថានទូតទាំងពីរប្រចាំនៅវេណេ ហ្ស៊ុយអេឡា និងអាហ្សង់ទីន ដោយអះអាងថា ពេលវិលត្រឡប់មកមាតុប្រទេសវិញ ក្រុមការងារនឹងអនុវត្តន៍ភ្លាមៗនូវ ខ្លឹមសារនិងសំណើរជាក់លាក់ ដែលត្រូវបានលើកឡើងនៅក្នុងជំនួបធ្វើការ តាមនោះរួមចំណែកយ៉ាងសកម្មក្នុងការងារព័ត៌មានកិច្ចការបរទេសនិយាយរួម៕