រថពាសដែកយោធាអ៊ុយក្រែនត្រូវបានដាក់ពង្រាយនៅទីក្រុងគៀវ ថ្ងៃទី ២៤ ខែកុម្ភៈ។ (រូបថត៖ AFP/TTXVN)

នៅក្នុងសេចក្តីប្រកាសមួយនាថ្ងៃទី ២៧ ខែកុម្ភៈ IAEA បានឲ្យដឹងថា កិច្ចប្រជុំនេះគ្រោងនឹងចាប់ផ្តើមនាថ្ងៃទី ២ ខែមីនា នៅទីស្នាក់ការកណ្តាលនៃទីក្រុងវីយ៉ែន ប្រទេសអូទ្រីស។ បច្ចុប្បន្ន អគ្គនាយក IAEA លោក Rafael Grossi កំពុងទាក់ទងយ៉ាងសកម្មជាមួយភាគីពាក់ព័ន្ធទាំងអស់ ដើម្បីធានាសុវត្ថិភាពនិងសន្តិសុខ សម្រាប់ទីតាំងនិងវត្ថុធាតុនុយក្លេអ៊ែរនៅអ៊ុយក្រែន។

មុននោះ លោក Rafael Grossi បានអំពាវនាវឲ្យភាគីទាំងអស់ ជៀសវាងរាល់សកម្មភាពដែលអាចគំរាមកំហែងដល់សុវត្ថិភាព និងសន្តិសុខនៃរោងចក្រនុយក្លេអ៊ែរ។ អ៊ុយក្រែនមានរោងចក្រថាមពលនុយក្លេអ៊ែរចំនួន៤ រួមទាំងរោងចក្រ Chernobyl ដែលជាទីកន្លែងកើតឡើងឧប្បត្តិហេតុនុយក្លេអ៊ែរដ៏អាក្រក់បំផុតក្នុងប្រវត្តិសាស្ត្រកាលពីឆ្នាំ ១៩៨៦៕