គណៈប្រតិភូចូលរួមកិច្ចប្រជុំរដ្ឋមន្ត្រីថាមពលសហភាពអឺរ៉ុបនៅទីក្រុងប្រ៊ុចសែល ប្រទេសបែលហ្សិក ថ្ងៃទី ៩ ខែកញ្ញា ឆ្នាំ ២០២២។ (រូបថត៖ AFP/TTXVN) |
យោងតាមសេចក្តីប្រកាស ដំណោះស្រាយទីមួយគឺប្រទេសសហភាពអឺរ៉ុបទាំង ២៧ យល់ព្រមលើដែនកំណត់រួម សម្រាប់តម្លៃឧស្ម័នដែលនាំចូលក្នុងទ្វីបអឺរ៉ុប មិនថាពីរុស្ស៊ី ឬពីប្រទេសដទៃទៀតនោះទេ។ ដំណោះស្រាយទីពីរគឺកំណត់ប្រាក់ចំណូលរបស់ក្រុមហ៊ុនផលិតអគ្គីសនី។ បច្ចុប្បន្ន EC មានភារកិច្ច ដាក់ចេញសំណើផ្លូវការមួយដើម្បីកំណត់ប្រាក់ចំណូលរបស់បណ្តាក្រុមហ៊ុនផលិតអគ្គីសនី។ ដំណោះស្រាយទីបីគឺអន្តរាគមន៍ "បណ្តោះអាសន្ននិងបន្ទាន់" នៅក្នុងទីផ្សារឧស្ម័នជាមួយនឹងតម្លៃ "ពិដាន" ដែលបានស្នើឡើងដោយប្រទេសបែលហ្ស៊ិកនិងអ៊ីតាលី និងប្រទេសមួយចំនួនទៀត។ ជាដំណោះស្រាយចុងក្រោយ បណ្តារដ្ឋមន្ត្រីស្នើរឲ្យ EC បង្ហាញវិធានការដើម្បីសម្របសម្រួលការកាត់បន្ថយតម្រូវការអគ្គិសនីនៅទូទាំងសហភាពអឺរ៉ុប និងដើម្បីជួយដោះស្រាយបញ្ហាសន្ទនីយភាពនៅក្នុងទីផ្សារថាមពល។
តាមការគ្រោងទុក បណ្តារដ្ឋមន្ត្រីថាមពលអឺរ៉ុបនឹងបន្តជួបប្រជុំគ្នានៅចុងខែកញ្ញានេះ ដើម្បីអនុម័តលើវិធានការជាក់លាក់មួយ៕