កញ្ញា Nguyen Thuy Chi (ស្តាំ) សន្ទនាជាមួយអ្នកយកព័ត៌មាន VOV (រូបថត៖ VOV)

“ខ្ញុំឃើញថា ផលិតផលគួរឱ្យទាក់ទាញចិត្តនិងសម្បូរបែបដែលស័ក្តិសមបំផុតសម្រាប់ចំណង់ចំណូលចិត្តរបស់អតិថិជន ជាពិសេសយុវវ័យ”។

“ចំណាប់អារម្មណ៍ដំបូងរបស់ខ្ញុំគឺថា ផលិតផលរបស់អ្នកគឺស្រស់ស្អាត ទំនើប និងលម្អិត។ ខ្ញុំភ្ញាក់ផ្អើល ខ្ញុំមិននឹកឃើញថា អ្នកអាចផលិតឡើង ផលិតផលបែបនេះ"។

ទស្សនាការតាំងបង្ហាញ "Cham Vao Xanh" មានទីតាំងនៅជាន់ទី ១ អគារ N04-B2 ផ្លូវ Thanh Thai ខ័ណ្ឌ Cau Giay ទីក្រុងហាណូយ អ្នកណាក៏ចាប់អារម្មណ៍ជាមួយនឹងការតុបតែងផ្ទះដ៏ស្រស់ស្អាត ប្លែក និងធ្វើដោយ ដៃពីរោមចៀម និងអំបោះ ឬពណ៌ស្រស់ឆើតឆាយ ផ្ទាំងគំនូរព្យួរនៅក្នុងបន្ទប់តូចៗ។ ទាំងនេះគឺជាផលិតផលពិសេសដែលផលិតដោយដៃជំនាញរបស់ជនពិការក្នុងសហគ្រាសសង្គម Cham Vao Xanh ដោយ Luu Thi Hieu និង Nguyen Thuy Chi ដែលអ្នកទាំងពីរមានជម្ងឺពិការខួរក្បាលជាសហស្ថាបនិក។

Cham Vao Xanh ត្រូវបាននារីពីរនាក់នេះបង្កើតឡើង ក្នុងខែតុលា ឆ្នាំ ២០២២ ជាមួយនឹងបំណងចង់បង្កើតការងារសម្រាប់ខ្លួន ក៏ដូចជាអ្នកដែលមានស្ថានភាពដូចគ្នា។ ចែករំលែកអំពីអត្ថន័យនៃឈ្មោះ Cham  Vao Xanh កញ្ញា Luu Thi Hueu បានឲ្យដឹងថា៖ "ន័យរបស់ Cham Vao Xanh គឺមានពណ៌បៃតងគឺជាពណ៌តំណាងឱ្យសហគមន៍ជនពិការខួរក្បាល នៅលើពិភពលោក។  ពាក្យបន្តជាការតភ្ជាប់ អំពីមនុស្សដូចយើងជួបគ្នា ហើយដើរលើផ្លូវតែមួយ។  Cham Vao Xanh ជាកន្លែងជួបជុំសម្រាប់សហគមន៍ ជនពិការខួរក្បាល ជាពិសេសសហគមន៍ជនពិការទូទៅ ដើម្បីអភិវឌ្ឍរួមគ្នា រួមគ្នាបង្កើតគំរូសម្រាប់ឧបត្ថម្ភដល់ជនពិការឱ្យបានល្អបំផុត ដើម្បីឱ្យពួកគេមានទំនុកចិត្តកាន់តែច្រើន ចេញទៅក្រៅកាន់តែញឹកញាប់ ជួបប្រាស្រ័យជាមួយគ្នាកាន់តែច្រើនឡើង”។

ដូចជាអាជីវកម្មផ្សេងទៀត Cham Vao Xanh ក៏បានឆ្លងកាត់ការលំបាកក្នុងការដោះស្រាយបញ្ហាប្រតិបត្តិការ ក៏ដូចជាការស្វែងរកកន្លែងឈរជើងនៅក្នុងទីផ្សារសិប្បកម្មផងដែរ។ ទោះជាយ៉ាងណាក៏ដោយ ជាមួយនឹងភាពស្វាហាប់ ការច្នៃប្រឌិត និងសោភ័ណភាពរបស់កញ្ញា Chi និងកញ្ញា Hieu ផលិតផលរបស់ Cham Vao Xanh  ត្រូវបានទទួលបានយ៉ាងល្អ និងមានការវាយតម្លៃខ្ពស់ពីអ្នកប្រើប្រាស់។

“Cham Vao Xanh” គឺជាគំរូអាជីវកម្មសម្រាប់ជនពិការ ប៉ុន្តែយើងតែងតែដាក់គុណភាពផលិតផលជាអាទិភាព។ ផលិតផលដែលនាំមកទីផ្សារគឺជាផលិតផលដែលឆ្លើយតបនឹងកត្តាសោភ័ណភាព និងគុណភាព។ ខ្ញុំដឹងថា ខ្ញុំនៅក្មេងណាស់។ ដូច្នេះ តើយើងគួរធ្វើយ៉ាងណាដើម្បីទទួលបានគោលដៅក្នុងដំណើរនេះ? យើងត្រូវតែព្យាយាមបញ្ជាក់ជាមួយនឹងអ្វីដែលយើងមាន។ តើផលិតផលរបស់យើងគឺជាអ្វី? តើម៉ាករបស់យើងនៅឯណា? ហើយតើយើងនាំមកនូវតម្លៃអ្វី? យើងដោះស្រាយបញ្ហាទាំងនេះតាមពេលវេលាដោយការតស៊ូ   រួមជាមួយនឹងការខិតខំប្រឹងប្រែងរបស់សមាជិកទាំងអស់”។

Cham Vao Xanh មានជាងកាត់ដេរ និងវិចិត្រករប្រមាណ ១០នាក់ ដែលជាជនពិការនៅតាមមូលដ្ឋានជាច្រើនទូទាំងប្រទេស។ បន្ទាប់ពីផលិតផលរបស់សមាជិកត្រូវបានបញ្ចប់ជាបណ្តុំ ពួកគេនឹងបញ្ជូនទៅសហគ្រាស Cham Vao Xanh ដើម្បីដាក់តាំង និងលក់នៅពិព័រណ៍ កន្លែងផ្លាស់ប្តូរវប្បធម៌ និងនៅលើបណ្តាញលក់អនឡាញ។ បន្ទាប់ពីប្រតិបត្តិការអស់រយៈពេលជាង ១ ឆ្នាំកន្លះ សហគ្រាស Cham Vao Xanh មិនត្រឹមតែជាអាជីវកម្មសម្រាប់ជនពិការប៉ុណ្ណោះទេ ថែមទាំងទទួលបានជោគជ័យក្នុងការកសាងបរិយាកាសការងារប្រកបដោយសមភាព មិត្តភាព និងរួមបញ្ចូលខ្ពស់ ជាមួយនឹងគោលដៅរយៈពេលវែងក្នុងការបន្តជំរុញការច្នៃប្រឌិតក្នុង ជនពិការគ្រប់រូប។ Tran Thi Thuy Vinh បុគ្គលិកកាត់ដេរនៅ Cham Vao Xanh បាននិយាយថា នាងរីករាយដែលឃើញផលិតផលរបស់នាងដាក់តាំងលក់នៅហាង។ ផលិតផលបង្ហាញពីការខិតខំប្រឹងប្រែង និងវឌ្ឍនភាពរបស់ Vinh ហើយក៏នាំមកជូនអ្នកនូវប្រាក់ចំណូលលើកទឹកចិត្តផង ដែរ។

“ពីមុនខ្ញុំមិនដែលមានប្រាក់ខែទេ។ ប៉ុន្តែឥឡូវខ្ញុំមានប្រាក់ខែដែលខ្ញុំរកបានដោយដៃខ្ញុំផ្ទាល់ ដូច្នេះខ្ញុំសប្បាយចិត្តណាស់។ ខ្ញុំចាំបានច្រើនបំផុតថាជាលើកដំបូងដែលមិត្តភ័ក្តិរបស់ខ្ញុំផ្ទេរប្រាក់ ហើយខ្ញុំបានបង់វិក្កយបត្រអគ្គិសនីប្រចាំខែដំបូងដើម្បីជួយម្តាយរបស់ខ្ញុំ។ ម៉ាក់សប្បាយចិត្តណាស់។ ខ្ញុំសង្ឃឹមថា ជំនាញរបស់ខ្ញុំនឹងកាន់តែប្រសើរឡើងពីមួយថ្ងៃទៅមួយថ្ងៃ ហើយខ្ញុំនឹងមានប្រាក់ចំណូលបន្ថែមទៀតដើម្បីជួយម្តាយខ្ញុំ”។

កញ្ញា Chi និងកញ្ញា Hieu ក៏បានដកប្រាក់ចំណេញមួយផ្នែកពីអាជីវកម្មទៅបណ្តាក់ទុនក្នុងប្រតិបត្តិការគម្រោងលើកកម្ពស់សមត្ថភាពជនពិការ ឱ្យធំធាត់ និងរស់នៅដោយឯករាជ្យ ដើម្បីឲ្យសមាជិកមានកម្លាំងចិត្ត និងសកម្មក្នុងការបង្កើតតម្លៃសម្រាប់សង្គម។

Cham Vao Xanh បានបើកទូលាយកន្លែង បរិយាកាសទំនាក់ទំនង និងសមាហរណកម្មសម្រាប់សហគមន៍ជនពិការ ក៏ដូចជាជួយសហគមន៍ជនពិការមានឱកាសកាន់តែច្រើនសម្រាប់ឯករាជ្យភាពសេដ្ឋកិច្ច។ ជោគជ័យដំបូងរបស់សហគ្រាសសង្គមនេះ បានបញ្ជាក់ថា ជនពិការមានលទ្ធភាពចាប់ផ្តើមអាជីវកម្ម និងផ្លាស់ប្តូរជីវិតរបស់ពួកគេ៕