 ទីស្នាក់ការគណៈកម្មាធិការប្រជាជនសង្កាត់ Da Kao ទីក្រុងហូជីមិញ តែងតែស្ងាត់ ដោយសារនីតិវិធីរដ្ឋបាលភាគច្រើនត្រូវបានធ្វើតាមអ៊ីនធឺណិត |
សង្កាត់ Da Kao ខណ្ឌ ១ ទីក្រុងហូជីមិញ មានប្រជាជនប្រមាណ ២៥.០០០ នាក់ កំពុងរស់នៅ ដោយមានក្រុមលំនៅដ្ឋានចំនួន ៩៦ និងសង្កាត់ចំនួន ៨។ ចាប់តាំងពីការធ្វើឌីជីថល និងការអនុវត្តការគ្រប់គ្រងទីក្រុងឆ្លាតវៃ រហូតមកដល់ពេលនេះ ទីស្នាក់ការគណៈកម្មាធិការប្រជាជនសង្កាត់លែងមានមនុស្សតម្រង់ជួររងចាំបំពេញបែបបទ ឬរង់ចាំរាយការណ៍ពីការរំលោភបំពានសណ្តាប់ធ្នាប់ទីក្រុងទៀតហើយ។ ពោលគឺ បរិមាណប្រជាជនមកទីស្នាក់ការគណៈកម្មាធិការត្រូវបានកាត់បន្ថយពាក់កណ្តាល។
បច្ចុប្បន្ននេះ មាននីតិវិធីរដ្ឋបាលចំនួន ៥០ ដែលត្រូវបានសង្កាត់ Da Kao អនុវត្តតាមអ៊ីនធឺណិត នៅកម្រិត ៣/៤ និង ៤/៤។ ប្រធានគណៈកម្មាធិការប្រជាជនក្នុងសង្កាត់ ព្រមទាំងកម្មាភិបាលបំពេញការងារក្នុងសង្កាត់ សុទ្ធតែបានតភ្ជាប់បញ្តាញ zalo នៃក្រុមក្នុងសង្កាត់។ អាស្រ័យហេតុនេះ រាល់គោលការណ៍ណែនាំ និងគោលនយោបាយ ត្រូវបានដាក់ពង្រាយជូនប្រជាពលរដ្ឋយ៉ាងឆាប់រហ័ស ទាន់ពេលវេលា និងមានប្រសិទ្ធភាព។ ផ្ទុយទៅវិញ នៅពេលដែលប្រជាជនមានតម្រូវការគិតគូរពីបញ្ហាជីវិតទាំងអស់ ពួកគេក៏ត្រូវផ្ទេរភ្លាមៗទៅអាជ្ញាធរសង្កាត់សម្រាប់ដោះស្រាយ។ លោក Do Huu Cuong ប្រធានគណៈកម្មាធិការប្រជាជនសង្កាត់ Da Kao បានឲ្យដឹងថា៖ “បែបបទរដ្ឋបាល សំណុំឯកសារ និងសកម្មភាពឃោសនាទាំងអស់ ឥឡូវនេះកំពុងត្រូវបានសង្កាត់ផ្សព្វផ្សាយនៅលើវេទិកាឌីជីថល ដូចជា៖ គេហទំព័រ ក្រុម zalo បណ្តាញទំនាក់ទំនងសង្គមសហគមន៍ជាមួយនឹងកម្មវិធីផ្លាស់ប្តូរឌីជីថល ... , ដូច្នេះប្រតិបត្តិការត្រូវបានរីកសាយភាយយ៉ាងទូលំទូលាយ។ អន្តរកម្មរវាងអាជ្ញាធរ និងប្រជាជនក្នុងបរិយាកាសឌីជីថលមានភាពរហ័សរហួន”។
 ប៉ូលីសទីក្រុងហូជីមិញ ជួយប្រជាជនក្នុងការធ្វើឱ្យគណនីអត្តសញ្ញាណអេឡិចត្រូនិចកម្រិត២ |
លោក Nguyen Hai Hung អាយុ ៧៤ ឆ្នាំ ជាប្រធានក្រុមលំនៅដ្ឋានលេខ ៤៩ សង្កាត់ Da Kao ចាប់តាំងពីឆ្នាំ ១៩៨០មក។ មិនដូចពីមុនទេ នៅពេលណាដែលមានឯកសារពីសង្កាត់ ស្នើសុំដាក់ពង្រាយដល់ប្រជាពលរដ្ឋ គឺគាត់ចំណាយពេលត្រឹមតែ ៣០ នាទីប៉ុណ្ណោះ ដើម្បីស្វែងយល់ កំណត់បញ្ហា និងផ្ទេរទៅឱ្យក្រុមទូទៅនៃក្រុម។ តាមនោះ គ្រួសារក្នុងតំបន់អាចចាប់យកព័ត៌មាន និងអនុវត្ត។ ចំណែកព័ត៌មានអំពីសន្តិសុខ សណ្តាប់ធ្នាប់ ការបំពានសណ្តាប់ធ្នាប់ក្នុងទីក្រុងជាដើម ពេលប្រជាពលរដ្ឋរាយការណ៍ជូនថ្នាក់ដឹកនាំ មន្ត្រីសាលាសង្កាត់ និងនគរបាលសង្កាត់ភ្លាមៗ ចាប់ដោះស្រាយភ្លាមៗ ទាន់ពេលវេលា និងត្រឹមត្រូវ៖
“ខ្ញុំឃើញថា វិធីធ្វើកិច្ចការនេះលឿនជាងមុនច្រើនដង បើប្រៀបនឹងអំឡុងពេលគ្មានបច្ចេកវិទ្យា។ ប្រជាជនរីករាយនិងពេញចិត្ត។ ការធ្វើបែបនេះ គឺទទួលបានផលប្រយោជន៍ពីភាគីទាំងសងខាង ប្រជាពលរដ្ឋទទួលបានផលប្រយោជន៍ និងអន្តរាគមន៍ទាន់ពេលវេលាពីអាជ្ញាធរ ហើយទន្ទឹមនឹងនោះ អាជ្ញាធរមូលដ្ឋានអាចដោះស្រាយបញ្ហាបានឆាប់រហ័ស និងទាន់ពេលវេលា ក្នុងការដោះស្រាយបញ្ហាយ៉ាងឆាប់រហ័ស និងទាន់ពេលវេលាជូនប្រជាជន”។
ដូចគ្នានេះដែរ នៅតាមមូលដ្ឋានផ្សេងទៀតនៃទីក្រុងហូជីមិញ ការប្រើប្រាស់ទិន្នន័យរួមដើម្បីដោះស្រាយសំណើរបស់ប្រជាជន អនុវត្តសេវាសាធារណៈតាមអ៊ីនធឺណិតនៅកម្រិតទី ៣ និងទី ៤; ការអនុវត្តបច្ចេកវិជ្ជា ការបង្កើតក្រុម zalo ដល់ក្រុមសង្កាត់ ដើម្បីដំណើរការការងារ ប្រាស្រ័យទាក់ទងជាមួយប្រជាជន ... កំពុងត្រូវបានអនុវត្តយ៉ាងមានប្រសិទ្ធភាព។
ដើម្បីកសាងទីក្រុងឆ្លាតវៃ ទីក្រុងហូជីមិញបានចេញយុទ្ធសាស្ត្រអភិបាលកិច្ចទិន្នន័យដល់ឆ្នាំ ២០២៥ និងចក្ខុវិស័យដល់ឆ្នាំ ២០៣០។ រហូតមកដល់ពេលនេះ ទីក្រុងបានឈានមុខគេលើកំណែទម្រង់ស្ថាប័ន និងប្រតិបត្តិការ ក៏ដូចជាសកម្មភាពអនុវត្តរដ្ឋាភិបាលឌីជីថល។
ទីក្រុងបានរៀបចំដំណើរការគ្រប់គ្រងនីតិវិធីរដ្ឋបាល និងឯកសាររបស់ទីភ្នាក់ងាររដ្ឋទាំងអស់នៅក្នុងបរិយាកាសឌីជីថល ដាក់ឱ្យដំណើរការសេវាកម្មសាធារណៈតាមអ៊ីនធឺណិតជាង ១.៥០០ ឈានដល់អត្រាជិត ៩៨% នៅលើអ៊ីនធឺណិត។ នៅឆ្នាំនេះ ទីក្រុងហូជីមិញកំណត់ប្រធានបទនៃការសាងសង់ទីក្រុងឆ្លាតវៃ និងការផ្លាស់ប្តូរឌីជីថលជាទិន្នន័យឌីជីថល។ ជាពិសេស ទីក្រុងបានដាក់ចេញនូវគោលបំណងសំខាន់ៗដូចជា៖ ប្រជាជន និងអាជីវកម្មផ្តល់ព័ត៌មានតែមួយដងដល់ភ្នាក់ងាររដ្ឋ នៅពេលអនុវត្តសេវាសាធារណៈតាមអ៊ីនធឺណិត។ សហគ្រាសអាចទាញយកទិន្នន័យបើកចំហ និងទិន្នន័យដែលផ្តល់ដោយទីភ្នាក់ងាររដ្ឋ ដើម្បីបម្រើដល់ផលិតកម្ម និងអាជីវកម្ម។
ទីក្រុងក៏បានកំណត់នូវភារកិច្ច និងដំណោះស្រាយសំខាន់ៗចំនួន ១០ ដើម្បីសម្រេចបាននូវគោលដៅទាំងនោះ។ លោកស្រី Vo Thi Trung Trinh អនុប្រធាននាយកដ្ឋានព័ត៌មាន និងទំនាក់ទំនងទីក្រុងហូជីមិញ បានឲ្យដឹងថា៖ “នៅពេលដែលទីក្រុងបង្កើតនូវផែនការអភិវឌ្ឍន៍ទីក្រុងឆ្លាតវៃ ទីក្រុងមានគោលបំណងក្លាយជាទីក្រុងដែលផ្តល់សេវាកម្មល្អបំផុតដល់ប្រជាជន។ ដូច្នោះហើយបានយកប្រជាពលរដ្ឋជាចំណុចផ្តោតក្នុងការផ្លាស់ប្តូរគំរូនៃការផ្តល់សេវារដ្ឋបាលសាធារណៈ។ ក្នុងដំណាក់កាលបច្ចុប្បន្ន សាលាក្រុងបានពង្រឹងបណ្តាញទំនាក់ទំនងរវាងប្រជាជន និងអាជ្ញាធរ អាជ្ញាធរ និងប្រជាជនឱ្យកាន់តែជិតស្និទ្ធជាមួយគ្នា ដើម្បីឱ្យប្រជាពលរដ្ឋមានការប្រាស្រ័យទាក់ទងគ្នាកាន់តែមានប្រសិទ្ធភាព និងត្រួតពិនិត្យសកម្មភាពរបស់រដ្ឋាភិបាលឱ្យកាន់តែមានប្រសិទ្ធភាព។ឮ
ជាមួយនឹងគោលនយោបាយយ៉ាងខ្លាំងក្នុងការកសាងទីក្រុងឆ្លាតវៃដែលទាក់ទងនឹងការផ្លាស់ប្តូរឌីជីថល ទីក្រុងហូជីមិញបាននិងកំពុងកើនឡើងនៅក្នុងចំណាត់ថ្នាក់នៃសន្ទស្សន៍បំលាស់ប្តូរឌីជីថលជាតិ៕