ជ្រោះទឹក Lenin ស្ថិតនៅជើងភ្នំ Karl Max នៅក្នុងតំបន់កេរ្តិ៍ដំណែល Pac Bo។ (រូបថត៖ VOV)

Pac Bo ក្នុងភាសាជនជាតិ Tay – Nung មានន័យថា “ប្រភពដើម” ពោលគឺជាទីកន្លែងដែលលោកប្រធានហូជីមិញបានដាក់ជំហានដំបូងវិលត្រឡប់មកប្រទេសវិញ ក្រោយរយៈពេល៣០ឆ្នាំធ្វើដំណើរនៅជុំវិញពិភពលោក ដើម្បីស្វែងរកមាគ៌ាសង្គ្រោះជាតិ កាលពីថ្ងៃទី២៨ មករា ឆ្នាំ១៩៤១។ អញ្ជើញមកដល់ទីនេះ ភ្ញៀវទេសចរមិនត្រឹមតែមានឱកាសស្វែងយល់អំពី ដំណាក់កាលដ៏សំខាន់មួយក្នុង ឆាកជីវិតរបស់លោកប្រធានហូជីមិញនិង បដិវត្តន៍វៀតណាមប៉ុណ្ណោះទេ ថែមទាំងបានគយគន់ផ្ទាំងគំនូរទេសភាពធម្មជាតិដ៏ អស្ចារ្យទៀតផង។ រួមជាមួយកេរ្តិ៍ដំណែលខាងក្រៅនានា ភ្ញៀវទេសចរអាច មកអុជធូបទៀននៅវិហារសក្ការៈបូជាលោកប្រធានហូជីមិញ ទស្សនាផ្ទះ តាំងពិព័រណ៍ ដើម្បីយល់ឲ្យបានច្បាស់ថែមទៀតអំពីចលនាបដិវត្តន៍របស់ខេត្ត Cao Bang ក៏ដូចជាការដឹកនាំបដិវត្តន៍របស់លោកអ៊ុំបន្ទាប់ពីវិលត្រឡប់មក ប្រទេសវិញ តាមរយៈការណែនាំរបស់មគ្គុទេសទេសចរណ៍នៅតំបន់កេរ្តិ៍ដំណែលនេះ។ អ្នកស្រី Pham Thu Quynh ភ្ញៀវទេសចរម្នាក់មកពីរដ្ឋធានីហាណូយ បាន ចែក រំលែកថា៖ “ពេលមកដល់ទីនេះ យើងខ្ញុំគ្រាន់តែមានការចាប់អារម្មណ៍ចំពោះ ទេសភាពធម្មជាតិ និងតម្លៃប្រវត្តិសាស្ត្រប៉ុណ្ណោះ ប៉ុន្តែចំពោះសេវាកម្មភ្ជាប់ជាមួយ ផ្សេងៗនោះ គឺខ្ញុំគិតថា ចាំបាច់ត្រូវវិនិយោគបន្ថែមទៀត។ ឧទាហរណ៍ថា នៅទីនេះមានល្បែងកំសាន្តប្រជាប្រិយខ្លះៗ និងសេវាកម្មហូបចុកហើយ ប៉ុន្តែមិនទាន់មានសេវាកម្មគួរឲ្យទាក់ទាញដែលធ្វើឲ្យភ្ញៀវទេសចរចង់ស្នាក់នៅបន្ថែមទៀតនៅឡើយ”។

ក្នុងរយៈពេលច្រើនឆ្នាំកន្លងមក ប្រព័ន្ធហេដ្ឋារចនាសម្ព័ន្ធបម្រើការ អភិវឌ្ឍទេសចរណ៍នៅ Pac Bo ទទួលបានការវិនិយោគគួរឲ្យកត់សម្គាល់។ ខេត្ត Cao Bang បានបណ្ដាក់ទុន សម្រេចរួចរាល់ ហើយដាក់ឲ្យដំណើរការនូវ គម្រោងចំនួន៦នៅតំបន់កេរ្តិ៍ដំណែលប្រវត្តិសាស្ត្រជាតិពិសេស Pac Bo។ លោក Dao Van Mui នាយកគណៈគ្រប់គ្រងកេរ្តិ៍ដំណែលជាតិពិសេសនៅ ខេត្ត Cao Bang បានឲ្យដឹងថា៖ “ក្នុងរយៈពេលច្រើនឆ្នាំកន្លងមក យើងខ្ញុំបានអនុវត្តការងារជួសជុល កែលម្អ ការពារទេសភាពនិងសំណង់មូលដ្ឋាននានា។ ក្នុងនោះ ផ្ដោតសំខាន់ទៅលើការ ជួសជុល កែលម្អកេរ្តិ៍ដំណែលដើម ដែលរងការខូចខាត រិចរិល។ យើងខ្ញុំក៏ បានអញ្ជើញអ្នកជំនាញមកជួយបង្កើតឡើងវិញឲ្យបានរស់រវើកបំផុត នូវ លំហជីវភាពរស់នៅរបស់លោកប្រធានហូជីមិញក្នុងដំណាក់កាលលោកប្រធានមករស់នៅនិងដឹកនាំបដិវត្តន៍នៅ Pac Bo ផងដែរ។ សំណង់ផ្សេងៗនៅជុំវិញ ដូចជាផ្ទះតាំងពិព័រណ៍ វិហារសក្ការៈបូជាលោកប្រធានហូជីមិញ និងបរិវេណ ទេសភាពក៏ត្រូវបានវិនិយោគដោយសមស្រប ដើម្បីឆ្ពោះទៅទេស ចរណ៍បៃតង-ស្អាត-ស្រស់បំព្រងនៅកេរ្តិ៍ដំណែល Pac Bo”។

វិហារសក្ការៈបូជាលោកប្រធានហូជីមិញនៅក្នុងតំបន់កេរ្តិ៍ដំណែល Pac Bo។ (រូបថត៖ VOV)

នៅក្នុងយុទ្ធសាស្ត្រអភិវឌ្ឍទេសចរណ៍របស់ខេត្ត Cao Bang តំបន់ទេស ចរណ៍ Pac Bo ត្រូវបានតម្រង់ទិសដៅឲ្យក្លាយទៅជាគោលដៅទេសចរណ៍ មុខព្រួញ។នាពេលខាងមុខ ទេសចរណ៍សហគមន៍ និងទេសចរណ៍ទទួល យកបទពិសោធន៍ (Experiental travel) គួរតែត្រូវបានយកចិត្តទុកដាក់វិនិ យោគយ៉ាងច្រើនថែមទៀត ដើម្បីបង្កើតឡើងចំណុចលេចធ្លោ ដែលទាក់ ទាញ ភ្ញៀវទេសចរចង់មកដល់និងស្នាក់នៅ Pac Bo ថែមទៀត។ កម្មវិធីខ្លះៗ កំពុងត្រូវបានកសាងឡើងដូចជា ការណែនាំប្រជាជនប្រចាំតំបន់ដាំដំណាំ ឬរុក្ខជាតិដ៏ពិសេសដោយឡែកដើម្បីបម្រើនៅតំបន់កេរ្តិ៍ដំណែល ការបង្កើត ក្រុមវប្បធម៌ភូមិដើម្បីជួបប្រាស្រ័យសិល្បៈ ឬការបង្កើតផ្ទះសំណាក់ មូល ដ្ឋានទេសចរណ៍ដ៏ “ស្និទ្ធស្នាល” ជាដើម។ លោក Truong The Vinh នាយក រងមន្ទីរវប្បធម៌ កីឡានិងទេសចរណ៍ខេត្ត Cao Bang បានឲ្យដឹងថា៖ “ការបណ្ដុះបណ្ដាលប្រជាជនដើម្បីអភិវឌ្ឍទេសចរណ៍ដោយផ្អែកលើ សហគមន៍ គឺជាទិសដៅសំខាន់បំផុត។ នាពេលខាងមុខ Cao Bang នឹង ផ្ដោតសំខាន់ទៅលើការបណ្ដុះបណ្ដាលនៅហ្នឹងកន្លែងចំពោះប្រភពធនធានមនុស្ស ដូចជាបំណិនទទួលស្វាគមន៍និងបម្រើភ្ញៀវ ការបណ្ដុះបណ្ដាល មគ្គុទេសទេសចរណ៍នៅតាមទីកន្លែងទេសចរណ៍ ឬក៏ការកែច្នៃម្ហូបអាហារជន ជាតិឲ្យបានសមស្របនឹងភ្ញៀវទេសចរជាច្រើនប្រភេទ និងការអភិវឌ្ឍក្រុម សិល្បៈភូមិ ផងដែរ។ គោលដៅខ្ពស់បំផុតនោះគឺ ការអភិវឌ្ឍទេសចរណ៍ ដោយផ្អែកលើសហគមន៍ ដោយសារ វាមិនត្រឹមតែបង្កើនប្រាក់ចំណូល សម្រាប់ប្រជាជនប៉ុណ្ណោះទេ ថែមទាំងរួមចំណែកដល់ការអភិរក្សនិងពង្រីក តម្លៃវប្បធម៌ប្រចាំតំបន់ទៀតផង”។

ដោយមានទេសភាពធម្មជាតិដ៏ស្រស់បំព្រងគួបផ្សំរួមជាមួយកេរ្តិ៍ដំណែល ជាច្រើនដែលពោរពេញទៅដោយសញ្ញាសម្គាល់ប្រវត្តិសាស្ត្រនោះ តំបន់ កេរ្តិ៍ដំណែលជាតិពិសេស Pac Bo គឺជាមោទនភាពរបស់ប្រជាជនជាច្រើន ជំនាន់នៅទីនេះនិយាយដោយឡែកនិងប្រជាជនទូទាំងប្រទេសនិយាយរួម។ អាជ្ញាធរនិងផ្នែកទេសចរណ៍មូលដ្ឋាន កំពុងអនុវត្តការងារជាក់ស្ដែងតាម ជាជំហានៗ ដើម្បីប្រែក្លាយ Pac Bo ទៅជាគោលដៅទេសចរណ៍គួរឲ្យ ទាក់ទាញយ៉ាងពិតប្រាកដចំពោះភ្ញៀវទេសចរទាំងក្នុងនិងក្រៅប្រទេស៕