ផ្កា son tra ជាធម្មតា រីកពីពាក់កណ្តាលខែកុម្ភៈរហូតដល់ដើមខែមេសា។ ប៉ុន្តែពេលវេលាដ៏ស្រស់ស្អាតបំផុតគឺខែមីនា។

ផ្ការីកស្គុះស្គាយព័ទ្ធជុំវិញផ្ទះឈើប្រពៃណីរបស់ជនជាតិ Mong បង្កើត រូបភាពធម្មជាតិដ៏ស្រស់ស្អាត។

ឃុំ Ngoc Chien មានផ្ទៃដីដាំដើម son tra ជាង២.២៦០ហិចតា ដែលប្រមូលផ្តុំនៅភូមិ Dong Xuong, Phay, Luot, និង Nam Nghiep។

ដោយឡែក ភូមិខ្ពង់រាប Nam Nghiep ស្ថិតនៅកម្ពស់ជាមធ្យម ២.២០០ម៉ែត្រពីលើនីវ៉ូទឹកសមុទ្រ មានផ្ទៃដីដាំដើម son tra ជាង១.៦០០ហិកតា។ ក្នុងនោះប្រហែល ៨០០ហិកតា ជាដើមឈើចំណាស់មានអាយុពី ៣០០-៥០០ឆ្នាំ។

ដើម son tra បានផ្សាភ្ជាប់ជាមួយជនជាតិ Mong នៅភូមិ Nam Nghiep ជាច្រើនជំនាន់មកហើយ ជាដើមឈើដែលបានជួយប្រជាជនលុបបំបាត់ភាពអត់ឃ្លាន កាត់បន្ថយភាពក្រីក្រ គ្របដណ្ដប់លើដីទុកចោលទំនេរដោយពណ៌បៃតង។ ក្នុងរដូវផ្លែ son tra ពីខែកញ្ញាដល់ខែតុលាជារៀងរាល់ឆ្នាំ ប្រជាជនភូមិ Nam Nghiep ប្រមូលផ្លែឈើស្រស់បានជាង៣.០០០តោន។

បើផ្កាជើងគោត្រូវបានគេចាត់ទុកថា ជានិមិត្តរូបនៃភាពបរិសុទ្ធ ស្មោះស្ម័គ្រ និងសេចក្ដីស្រឡាញ់ស្មោះត្រង់របស់បងប្អូនជនជាតិ Thai នោះ គឺផ្កា son tra  តំណាង ឲ្យភាពសាមញ្ញ ជានិមិត្តរូបនៃកម្លាំងរស់ដ៏ស្វិតស្វាញនិងកម្លាំងចិត្តដ៏មោះមុតរបស់ជនជាតិ Mong។

អាស្រ័យដោយមានប្រៀបខ្លាំង សក្ដានុពលអំពីអាកាសធាតុ ធម្មជាតិរហោស្ថាន និងវប្បធម៌ដ៏ពិសេសដោយឡែករបស់ជនជាតិ Mong ភូមិ Nam Nghiep មានលក្ខណៈវិសេសវិសាលជាច្រើនបំផុតនៃទេសចរណ៍ Ngoc Chien។

អ្នកទេសចរជាច្រើនចែករំលែកថា ប្រសិនបើមកដល់ Ngoc Chien ដោយមិនបានទៅលេងភូមិ Nam Nghiep ទេ គឺដំណើរកំសាន្តនិងបទពិសោធន៍នោះ ពិតជាមិនពេញលេញនោះដែរ។