ຫວຽດນາມ ພວມກາຍເປັນຕະຫຼາດລົງທຶນສຳຄັນໃນນະໂຍບາຍມຸ່ງໄປເຖິງທາງທິດໃຕ້ໃໝ່ຂອງລັດຖະບານ ສ.ເກົາຫຼີ. ໜັງສືພິມ ເສດຖະກິດ Aju (ສ.ເກົາຫຼີ) ຈະສົມທົບກັບຄະນະກຳມະການປະຊາຊົນນະຄອນໂຮ່ຈີມິນ ແລະ ສະຫະສະມາຄົມພົວພັນແລກປ່ຽນເສດຖະກິດ ແລະ ວັດທະນະທຳ ຫວຽດນາມ - ສ.ເກົາຫຼີ (Koveca) ຈັດຕັ້ງບັນດາເວທີປາໄສເສດຖະກິດຢູ່ນະຄອນ ໂຮ່ຈີມິນ ແລະ ແຂວງ ບິ່ງເຢືອງ ໃນລະຫວ່າງວັນທີ 17 – 19 ຕຸລາ. ນີ້ຈະແມ່ນກາລະໂອກາດເພື່ອຊຸກຍູ້ການແລກປ່ຽນ ແລະ ຮ່ວມມືລະຫວ່າງບັນດານັກທຸລະກິດ ສ.ເກົາຫຼີ ແລະ ຫວຽດນາມ. ນະຄອນໂຮ່ຈີມິນ ແມ່ນປາຍແຫຼມເສດຖະກິດຂອງ ຫວຽດນາມໃນຂະນະທີ່ ແຂວງບິ່ງເຢືອງ ແມ່ນສະຖານທີ່ທີ່ມີຈຳນວນບໍລິສັດ ສ.ເກົາຫຼີ ພວມລົງທຶນຫຼາຍທີ່ສຸດ.