ໃນໄລຍະຜ່ານມາ, ຄະນະປະຈຳສະພາແຫ່ງຊາດ, ລັດຖະບານ, ສະພາຊົນເຜົ່າ, ບັນດາກຳມະທິການສະພາແຫ່ງຊາດ, ບັນດາຄະນະຜູ້ແທນສະພາແຫ່ງຊາດ, ບັນດາສະມາຊິກສະພາແຫ່ງຊາດ ແລະ ບັນດາອົງການ, ອົງການຈັດຕັ້ງ, ສ່ວນບຸກຄົນທີ່ກ່ຽວຂ້ອງໄດ້ຮີບດ່ວນກະກຽມບັນດາເນື້ອໃນເພື່ອຍືນສະເໜີຕໍ່ສະພາແຫ່ງຊາດ, ຈັດຕັ້ງການພົບປະ, ກຳແໜ້ນແນດຄິດຈິດໃຈ, ຄວາມມຸ່ງມາດປາດຖະໜາຂອງຜູ້ມີສິດເລືອກຕັ້ງເພື່ອສ່ອງແສງຕໍ່ສະພາແຫ່ງຊາດຢູ່ກອງປະຊຸມດັ່ງກ່າວ.
ຕາມລາຍການ, ແຕ່ເວລາ 7 ໂມງ 15 ນາທີ, ບັນດາຜູ້ແທນສະພາແຫ່ງຊາດຈະໄປວາງພວງມາລາ ແລະ ເຂົ້າສຸສານໄວ້ອາໄລປະທານ ໂຮ່ຈີມິນ.
ແຕ່ເວລາ 8 ໂມງ 00 ນາທີ, ສະພາແຫ່ງຊາດເປີດກອງປະຊຸມກະກຽມເພື່ອປຶກສາຫາລື ແລະ ລົງປະຊາມະຕິຮັບຮອງເອົາລາຍການຂອງກອງປະຊຸມສະໄໝສະມັນຄັ້ງທີ 8
ເວລາ 9ໂມງ 00 ນາທີ, ສະພາແຫ່ງຊາດເປີດກອງປະຊຸມຢູ່ຫໍປະຊຸມ ຢຽນຮົ່ງ, ຫໍສະພາແຫ່ງຊາດ.
ວາລະເປີດກອງປະຊຸມສະໄໝສາມັນຄັ້ງທີ 8, ສະພາແຫ່ງຊາດຊຸດທີ XIV ຈະໄດ້ ຖ່າຍທອດສົດ ຈາກ ສະຖານີວິທະຍຸກະຈາຍສຽງ ຫວຽດນາມ, ສະຖານີໂທລະພາບ ຫວຽດນາມ, ສະຖານີໂທລະພາບສະພາແຫ່ງຊາດ ຫວຽດນາມ ເພື່ອ ໃຫ້ ຜູ້ມີສິດເລືອກຕັ້ງ ແລະ ປະຊາຊົນ ໃນທົ່ວປະເທດຕິດຕາມນຳ.