ໃນຖະແຫຼງການສະບັບໜຶ່ງ, ໂຄສົກອຳນາດການປົກຄອງ ຮົ່ງກົງ ໄດ້ ຊີ້ແຈ້ງວ່າ ບັນດາມາດຕະການລົງໂທດ ຫຼື ຈຳກັດດ້ານການຄ້າ ທີ່ແນໃສ່ ຮົ່ງກົງ ແມ່ນບໍ່ຍຸຕິທຳ, ພຽງເຮັດໃຫ້ການພົວພັນແບບຕ່າງຝ່າຍຕ່າງມີຜົນປະໂຫຍດລະຫວ່າງ ເຂດປົກຄອງພິເສດນີ້ ແລະ ອາເມລິກາ, ເຊິ່ງໄດ້ຮັບການສ້າງຕັ້ງມາເປັນເວລາຫຼາຍປີທີ່ຜ່ານມາ ຖືກພັງທະລາຍລົງ, ອັນໄດ້ກໍ່ຜົນເສຍຫາຍໃຫ້ແກ່ບັນດາວິສາຫະກິດຢູ່ຮົ່ງກົງ ແລະ ບັນດາວິສາຫະກິດ ອາເມລິກາ ຢູ່ທີ່ນີ້.
ກ່ອນໜ້ານັ້ນ, ໃນວັນທີ 29 ພຶດສະພາ, ທ່ານປະທານາທິບໍດີ ອາເມລິກາ Donald Trump ໄດ້ສະແດງທັດສະນະຄັດຄ້ານກົດໝາຍວ່າດ້ວຍການປ້ອງກັນຄວາມສະຫງົບແຫ່ງຊາດ ຮົ່ງກົງ, ພ້ອມທັງຖະແຫຼງຖອນຂໍ້ກຳນົດພິເສດ ສຳລັບເຂດປົກຄອງພິເສດນີ້ຄືນ.