ພົນທະຫານ ອາເມລິກາ (ພາບປະກອບ)
(vovworld) - ວັນທີ 02/03 ກະຊວງປ້ອງກັນປະເທດ ອາເມລິກາ ໃຫ້ຮູ້ວ່າ: ກອງທັບປະເທດນີ້ ໄດ້ດຳເນີນການບຸກໂຈມຕີຢ່າງຊັດເຈນກ່ວາ 20 ຄັ້ງ ທີ່ເລັ່ງໃສ່ບັນດາເປົ້າໝາຍຂອງກຳລັງ Al – Qaeda ໃນແຫຼມ Arab (AQAP) ຢູ່ ເຢແມນ. ນີ້ແມ່ນບັ້ນຮົບບຸກໂຈມຕີຄັ້ງໃຫຍ່ທຳອິດ ເພື່ອຕ້ານຄືນກຸ່ມກໍ່ການຮ້າຍນີ້ ນັບແຕ່ພາຍຫລັງການບຸກຕີໂດຍທະຫານພິເສດ ອາເມລິກາ ດຳເນີນໃນວັນທີ 29/01 ຜ່ານມາ. ຕາມແຈ້ງການຂອງທຳນຽບຫ້າແຈແລ້ວ ບັນດາການບຸກໂຈມຕີດັ່ງກ່າວ ແມ່ນເລັ່ງໃສ່ບັນດາເປົ້າໝາຍ Al – Qaeda, ລະບົບອາວຸດໜັກ, ພາຫະນະອຸປະກອນ, ພື້ນຖານໂຄງລ່າງ ແລະ ບັນດາຖານທີ່ໝັ້ນສູ້ຮົບຂອງກຸ່ມນີ້ຢູ່ບັນດາເຂດ Abyan, Al Bayda ແລະ Shabwah ຂອງ ເຢແມນ. ທ່ານ Jeff Davis ໂຄສົກທຳນຽບຫ້າແຈຊີ້ແຈ້ງວ່າ: ບັນດາການບຸກໂຈມຕີຈະເຮັດໃຫ້ຄວາມສາມາດຂອງ AQAP ໃນການນຳໃຊ້ເຂດແຄ້ວນທີ່ຢຶດຄອງໄດ້ຂອງລັດຖະບານຢູ່ ເຢແມນ ເປັນສະຖານທີ່ປອດໄພ ເພື່ອວາງແຜນການບຸກໂຈມຕີກໍ່ການຮ້າຍຊຸດໂຊມລົງ .