(vovworld) - ແຕ່ວັນທີ 13 – 15/03, ພ້ອມກັບບັນດານັກຮຽນຮູ້, ທະນາຍຄວາມຜູ້ຊ່ຽວຊານຄົ້ນຄວ້າຫົວໜ້າຂະແໜງຂອງບັນດາມະຫາວິທະຍາໄລ, ສະຖາບັນຄົ້ນຄວ້າທີ່ມາຈາກອາເມລິກາ, ສິງກະໂປ, ຈີນ ຟີລິບປີນ, ນັກຮຽນຮູ້ຫວຽດນາມ 2 ຄົນ ແມ່ນທ່ານນາງປະລິຍາເອກ ຫງວຽນທິລານແອງ, ຮອງຫົວໜ້າພະແນກກົດໝາຍສາກົນ, ສະຖານບັນການຕ່າງປະເທດຫວຽດນາມ ແລະ ທ່ານນາງ ຫງວຽນທິແທງຮ່າ, ຫົວໜ້າກົມກົດໝາຍ ແລະ ສົນທິສັນຍາສາກົນ, ກະຊວງການຕ່າງປະເທດ, ໄດ້ເຂົ້າຮ່ວມກອງປະຊຸມສຳມະນາສາກົນດ້ວຍຫົວຂໍ້ວ່າ “ທະເລຕາເວັນອອກ: ປັດໃຈຕົ້ນຕໍ່ຂອງສັນຕິພາບ ແລະ ຄວາມປອດໄພໃນພາກພື້ນອາຊີ - ປາຊີຟີກ” ຢູ່ນະຄອນນິວຢອກ, ອາເມລິກາ. ທີ່ກອງປະຊຸມສຳມະນາ, ທ່ານນາງ ຫງວຽນທິແທງຮ່າ ຢືນຢັນວ່າ, ຍາມໃດຫວຽດນາມ ກໍປາດຖະໜາຢາກແກ້ໄຂການພິດພາດກັນດ້ວຍສັນຕິວິທີ, ບົນຫຼັກການເຄົາລົບກົດໝາຍສາກົນ ແລະ ສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 (UNCLOS). ໂດຍມີທັດສະນະດ່ຽວກັບກັບນັກຮຽນຮູ້ຫວຽດນາມ, ສາດສະດາຈານອາເມລິກາ Jerome A.Cohen ມາຈາກມະຫາວິທະຍາໄລກົດໝາຍ ນິວຢອກ ໄດ້ຖືວ່າ ການພິດພາດກັນຢູ່ທະເລຕາເວັນອອກ ແມ່ນກ່ຽວຂ້ອງເຖິງກົດໝາຍ, ການເມືອງສາກົນ, ເພາະສະນັ້ນ ຕ້ອງນຳໃຊ້ກົດໝາຍ, ກົດລະບຽບສາກົນເພື່ອແກ້ໄຂ. ສາດສະດາຈານ Robert Beckman, ມະຫາວິທະຍາໄລແຫ່ງຊາດ ສິງກະໂປ ຖືວ່າ ຈີນ ຄວນເຄົາລົບກົດໝາຍສາກົນ ເພື່ອແກ້ໄຂບັນດາການພິດພາດກັນໃນປະຈຸບັນ. ສ່ວນທ່ານອະດີດລັດຖະມົນຕີການຕ່າງປະເທດອາເມລິຫາ Christopher Hill ຊີ້ແຈ້ງວ່າ, ຈີນຈະບໍ່ມີຜົນເມື່ອເພີ່ມທະວີຄວາມເຄັ່ງຕຶ່ງກັບບັນດາປະເທດບ້ານໃກ້ເຮືອນຄຽງ.