ໂຄສົກກະຊວງການຕ່າງປະເທດ ຫວຽດນາມ ເລຫາຍບີ່ງ
(ພາບປະກອບ)
|
(vovworld) – ວັນທີ 16/7/2015, ເມື່ອຕອບສຳພາດຄຳຖາມຂອງນັກຂ່າວໂດຍສະເໜີໃຫ້ຮູ້ປະຕິກິລິຍາຂອງ ຫວຽດນາມ ຕໍ່ເລື່ອງໄລຍະຜ່ານມາ, ຝ່າຍ ກຳປູເຈຍ ຖືວ່າ “ຫວຽດນາມ ໄດ້ເປັນເອກະພາບກັບຝ່າຍ ກຳປູເຈຍ ຢຸດຕິການເຄື່ອນໄຫວກໍ່ສ້າງໂດຍຊົ່ວຄາວຢູ່ບາງສະຖານທີ່ຢູ່ເຂດຊາຍແດນລະຫວ່າງ 2 ປະເທດ”, ໂຄສົກກະຊວງການຕ່າງປະເທດ ຫວຽດນາມ ເລຫາຍບີ່ງ, ຊີ້ແຈ້ງວ່າ:
“ໃນຈົດໝາຍທາງການສົ່ງເຖິງກະຊວງການຕ່າງປະເທດ ແລະ ຮ່ວມມືສາກົນ, ອົງການຮັບຜິດຊອບກ່ຽວກັບເຂດຊາຍແດນ ກຳປູເຈຍ ກໍຄືຢູ່ກອງປະຊຸມ 2 ປະທານຄະນະກຳມວາທິການປະສົມກ່ຽວກັບການປັກຫຼັກໝາຍຊາຍແດນຢູ່ນະຄອນຫຼວງພະນົມເປັນແຕ່ວັນທີ 6 – 9/7 ຜ່ານມາ, ຫວຽດນາມ ລ້ວນແຕ່ຢັ້ງຢືນຢ່າງຈະແຈ້ງວ່າ: ທຸກໆກິດຈະກຳ ຂອງ ຫວຽດນາມ ທີ່ກໍ່ສ້າງຢູ່ເຂດຊາຍແດນໃນໄລຍະຜ່ານມາລ້ວນແຕ່ຖືກດຳເນີນໃນເຂດດິນແດນ ໂດຍ ຫວຽດນາມ ຄຸ້ມຄອງ. ຂໍ້ 8, ຖະແຫຼງຂ່າວຮ່ວມ ຫວຽດນາມ - ກຳປູເຈຍ ເມື່ອວັນທີ 17/1/1995 ກຳນົດວ່າ “2 ຝ່າຍຕົກລົງ, ໃນຂະນະທີ່ລໍຖ້າການແກ້ໄຂບັນດາບັນຫາຍັງຄົງຄ້າງກ່ຽວກັບບັນຫາຊາຍແດນນັ້ນ, ແມ່ນຕ້ອງຮັກສາການຄຸ້ມຄອງໃນປະຈຸບັນ, ບໍ່ປ່ຽນແປງ, ຍົກຍ້າຍບັນດາເສົາຫຼັກໝາຍຊາຍແດນ, ສຶກສາອົບຮົມ, ບໍ່ປະໃຫ້ປະຊາຊົນທຳການປູກຝັງ, ຕັ້ງເຮືອນຜິດພາດ ແລະ ພ້ອມກັນຮ່ວມມືຮັກສາຄວາມສະຫງົບ, ຄວາມເປັນລະບຽບຮຽບຮ້ອຍເຂດຊາຍແດນ.” ຫວຽດນາມ ໄດ້ເຄົາລົບປະຕິບັດຂໍ້ຕົກລົງລະຫວ່າງ 2 ປະເທດກ່ຽວກັບການຄຸ້ມຄອງເຂດຊາຍແດນໃນວິວັດການປັກຫຼັກໝາຍຊາຍແດນລະຫວ່າງ ຫວຽດນາມ - ກຳປູເຈຍ ຢ່າງເຂັ້ມງວດ.
ເພື່ອສະແດງເຈດຕະນາດີ ແລະ ເພື່ອແນໃສ່ສ້າງຄວາມສະດວກໃຫ້ແກ່ວຽກງານປັກຫຼັກໝາຍຊາຍແດນຊຶ່ງພວມຢູ່ໃນໄລຍະສຳຄັນໃນປະຈຸບັນ, ໃນຈົດໝາຍທາງການເມື່ອວັນທີ 6/7/2015 ໂດຍຝາກເຖິງກະຊວງການຕ່າງປະເທດ ແລະ ຮ່ວມມືສາກົນ ກຳປູເຈຍ ແລະ ຢູ່ກອງປະຊຸມ 2 ປະທານຄະນະກຳມຍາທິການປະສົມປັກຫຼັກໝາຍຊາຍແດນ, ຫວຽດນາມ ໄດ້ສະເໜີຝ່າຍ ກຳປູເຈຍ ພ້ອມກັນໃຫ້ຄຳໝັ້ນສັນຍາ “ບໍ່ກໍ່ສ້າງກິດຈະກຳໃນບໍລິເວນ 100 ແມັດ ນັບແຕ່ເສັ້ນຄຸ້ມຄອງຕົວຈິງຂອງແຕ່ລະຝ່າຍຢູ່ບັນດາເຂດບໍ່ທັນໄດ້ປັກຫຼັກໝາຍຊາຍແດນ ຫຼື ບໍ່ທັນກໍ່ສ້າງສຳເລັດຕາມ “ບົດບັນທຶກຊ່ວຍຈຳກ່ຽວກັບການປັບປຸງເສັ້ນຊາຍແດນທາງບົກສຳລັບບໍລິເວນຍັງມີການຄົງຄ້າງລະຫວ່າງລັດຖະບານ ສສ ຫວຽດນາມ ແລະ ລັດຖະບານ ລາຊະອານາຈັກ ກຳປູເຈຍ” ເຊັນວັນທີ 23/4/2011 (MOU)”.
ແຕ່ເປັນໜ້າເສຍດາຍ, ຝ່າຍກຳປູເຈຍ ບໍ່ຕອບສະໜອງເຈດຕະນາດີນັ້ນຂອງຝ່າຍ ຫວຽດນາມ”.