ຫວຽດນາມຖືການພົວພັນກັບຈີນເປັນສຳຄັນ
ເນື່ອງໃນໂອກາດກອງປະຊຸມໃຫ່ຍຜູ້ແທນທົ່ວປະເທດຄັ້ງທີ 18 ຂອງ ພັກກອມມູນິດຈີນ ໄດ້ຖືກໄຂຂຶ້ນຢ່າງສົມກຽດຢູ່ປັກກີງ-ປະເທດຈີນ, ຄະນະບໍລິຫານງານສູງກາງພັກກອມມູນິດຫວຽດນາມ ໄດ້ສົ່ງໂທລະເລກອວຍພອນເຖິງກອງປະຊຸມໃຫ່ຍ
(ພາບ:ອິນເຕີແນັດ)
(VOV)- ເນື່ອງໃນໂອກາດກອງປະຊຸມໃຫ່ຍຜູ້ແທນທົ່ວປະເທດຄັ້ງທີ 18 ຂອງ ພັກກອມມູນິດຈີນ ໄດ້ຖືກໄຂຂຶ້ນຢ່າງສົມກຽດຢູ່ປັກກີງ-ປະເທດຈີນ, ຄະນະບໍລິຫານງານສູນກາງພັກກອມມູນິດຫວຽດນາມ ໄດ້ສົ່ງໂທລະເລກອວຍພອນເຖິງກອງປະຊຸມໃຫ່ຍ. ເນື້ອໃນໂທລະເລກຊີ້ແຈງວ່າ: ຄະນະບໍລິຫານງານສູງກາງພັກກອມມູນິດຫວຽດນາມ ມີຄວາມພາກພູມໃຈຕໍ່ບັນດາຜົນງານອັນໃຫ່ຍຫຼວງຊື່ງພັກ ແລະ ປະຊາຊົນຈີນ ບັນລຸໄດ້ໃນຊຸມປີຜ່ານມາ ແລະ ເຊື່ອໝັ້ນຢ່າງແນວແນ່ວ່າ ກອງປະຊຸມໃຫ່ຍຜູ້ແທນທົ່ວປະເທດຄັ້ງທີ 18 ຂອງ ພັກກອມມູນິດຈີນ ຈະຍົກອອກບັນດາລັດຖະນະໂຍບາຍສຳຄັນຊຸກຍູ້ພາລະກິດການກໍ່ສ້າງລັດທິສັງຄົມນິຍົມພິເສດສະເພາະຂອງຈີນ ກ້າວເຂົ້າສູ່ໄລຍະພັດທະນາໃໝ່, ສ້າງພື້ນຖານໝັ້ນຄົງເພື່ອໃຫ້ປະຊາຊົນຈີນ ປະຕິບັດຈຸດໝາຍສ້າງສັງຄົມຮັ່ງມີສຳເລັດຜົນໃນປີ 2020. ໂທລະເລກອວຍພອນກໍ່ຢືນຢັນວ່າ: ພັກກອມມູນິດຫວຽດນາມ ແລະ ພັກກອມມູນິດຈີນ ໄດ້ມີການພົວພັນຢ່າງສະໜິດແໜ້ນນັບແຕ່ຫາກໍ່ໄດ້ຮັບການສ້າງຕັ້ງຂຶ້ນ ແລະ ຜ່ານຜ່າການທ້າທາຍໃນໄລຍະຍາວນານໃນພາລະກິດການປະຕິວັດຂອງສອງຊາດ ແລະ ປະຊາຊົນສອງປະແທດມີອາລົມຈິດຄວາມຮັກແພງ ນ້ຳໃຈມິດຕະພາບທີ່ເປັນມູນເຊື້ອແຕ່ດົນນານ. ພັກ, ລັດ ແລະ ປະຊາຊົນຫວຽດນາມ ຖືການພົວພັນທັງເປັນສະຫາຍ ທັງເປັນອ້າຍນ້ອງກັບພັກ, ລັດ ແລະ ປະຊາຊົນຈີນ ເປັນສຳຄັນຢ່າງສະເໝີຕົ້ນສະເໝີປາຍ.