ທ່ານປະທານາທິບໍດີຝຣັ່ງ Francois Hollande ແລະ ທ່ານປະທານປະເທດຈີນສືຈິ້ນຜິງ
(ພາບ: ສຳນັກຂ່າວສານ ຊິນຮວາ)
(vovworld) - ວັນທີ 16/11, ທ່ານປະທານປະເທດຈີນສືຈິ້ນຜິງ ແລະ ທ່ານປະທານາທິບໍດີຝຣັ່ງ Francois Hollande ໄດ້ເຫັນດີເປັນເອກະສັນກັນສືບຕໍ່ເພີ່ມທະວີການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ 2 ປະເທດ. ໃນການພົບປະກັບທ່ານປະທານາທິບໍດີ Francois Hollande ຢູ່ນອກກອງປະຊຸມສຸດຍອດກຸ່ມບັນດາພື້ນຖານເສດຖະກິດພັດທະນາ ແລະ ຫາກໍ່ພົ້ນເດັ່ນຂຶ້ນ (G20) ທີ່ໄດ້ດຳເນີນຢູ່ອົດສະຕາລີ, ທ່ານປະທານປະເທດຈີນສືຈິ້ນຜິງ ໃຫ້ຮູ້ວ່າ: ໃນການຢ້ຽມຢາມທາງລັດຖະກິດເຖິງຝຣັ່ງຂອງທ່ານໃນເດືອນ 3 ຜ່ານມາ, ທ່ານ ແລະ ທ່ານປະທານາທິບໍດີຝຣັ່ງ Francois Hollande ໄດ້ເຫັນດີເປັນເອກະສັນນຳການພົວພັນຄູ່ຮ່ວມມືຍຸດທະສາດຮອບດ້ານຈີນ-ຝຣັ່ງ ກ້າວເຂົ້າສູ່ສັງກາດໃໝ່. ສ່ວນທ່ານປະທານາທິບໍດີຝຣັ່ງ Francois Hollande ໃຫ້ຮູ້ວ່າ: ການຢ້ຽມຢາມຂອງທ່ານປະທານປະເທດຈີນສືຈິ້ນຜິງ ເຖິງຝຣັ່ງໄດ້ເປັນຂີດໝາຍໃໝ່ໃນການພົວພັນ 2 ຝ່າຍ. ທ່ານປະທານາທິບໍດີຝຣັ່ງ Francois Hollande ກໍ່ຖະແຫຼງວ່າ: ຝຣັ່ງພ້ອມແລ້ວທີ່ຈະເພີ່ມທະວີການແລກປ່ຽນຂໍ້ມູນຂ່າວ ແລະ ສົມທົບກັບຈີນໃນຄວາມມານະພະຍາຍາມຕ້ານໂລກພະຍາດ Ebola; ບັນຫານິວເຄຼຍອີຣານ ແລະ ບັ້ນຕ້ານກໍ່ການຮ້າຍໃນໂລກ.