ປະທານາທິບໍດີລັດເຊຍເຊື່ອໝັ້ນການພົວພັນຄູ່ຮ່ວມມືຍຸດທະສາດລັດເຊຍ-ຫວຽດນາມຈະໄດ້ຮັບການປັບປຸງ
ທ່ານປະທານາທິບໍດີ ລັດເຊຍ ສະແດງເຊື່ອໝັ້ນວ່າ: ການພົວພັນຄູ່ຮ່ວມມືຍຸດທະສາດ ລັດເຊຍ - ຫວຽດນາມ ຈະໄດ້ຮັບການປັບປຸງເພື່ອຜົນປະໂຫຍດຂອງ 2 ປະເທດ
ທ່ານປະທານາທິບໍດີ ລັດເຊຍ Vladimir Putin
(ພາບ: RIA Novosti/Aleksey Nikolskyi)
(vovworld) – ວັນທີ 2/9, ທ່ານປະທານາທິບໍດີ ລັດເຊຍ Vladimir Putin ໄດ້ຝາກໂທລະເລກອວຍພອນທ່ານປະທານປະເທດ ເຈືອງເຕີນຊາງ ເນື່ອງໃນໂອກາດສະເຫຼີມສະຫຼອງ 69 ປີແຫ່ງວັນສະຖາປານາປະເທດ ສສ ຫວຽດນາມ (2/9/1945 – 2/9/2014). ທ່ານປະທານາທິບໍດີ ລັດເຊຍ ສະແດງເຊື່ອໝັ້ນວ່າ: ການພົວພັນຄູ່ຮ່ວມມືຍຸດທະສາດ ລັດເຊຍ - ຫວຽດນາມ ຈະໄດ້ຮັບການປັບປຸງເພື່ອຜົນປະໂຫຍດຂອງ 2 ປະເທດ, ເພື່ອຮັບປະກັນສະຖຽນລະພາບ ແລະ ຄວາມສະຫງົບຢູ່ພາກພື້ນ ອາຊີ - ປາຊີຟິກ. ທ່ານປະທານາທິບໍດີ Putin ຕີລາຄາສູງບັນດາຜົນສຳເລັດຂອງ ຫວຽດນາມ ໃນຂົງເຂດເສດຖະກິດ, ສັງຄົມ ແລະ ວິທະຍາສາດ - ເຕັດນິກ, ຍົກສູງອິດທິພົນຊື່ສຽງຂອງ ຫວຽດນາມ ໃນພາກພື້ນ ແລະ ບົນເວທີສາກົນ. ນອກຈາກນັ້ນ, ທ່ານປະທານາທິບໍດີ Putin ເນັ້ນໜັກວ່າ: ການພົວພັນລະຫວ່າງ ລັດເຊຍ - ຫວຽດນາມ ໃນປະຈຸບັນມີລັກສະນະມິດຕະພາບ, ສະໜິດສະໜົມ ແລະ ສ້າງສັນ, ຢັ້ງຢືນໄດ້ບັນດາທິດທາງທີ່ໄດ້ວາງອອກໃນການເຈລະຈາລະຫວ່າງການນຳ 2 ປະເທດໃນປີ 2013 ຢູ່ ຮ່າໂນ້ຍ, ເລື່ອງຜັນຂະຫຍາຍບັນດາຂໍ້ຕົກລົງທີ່ບັນລຸໄດ້ນັ້ນຈະປະກອບສ່ວນເພີ່ມທະວີການຮ່ວມມືຍຸດທະສາດເພື່ອຜົນປະໂຫຍດຂອງ 2 ປະເທດຢ່າງເລິກເຊິ່ງກ່ວາອີກ.