ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ຟ້າມບິ່ງມິງ ສະເໜີໃຫ້ສອງຝ່າຍເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ, ຊຸກຍູ້ບັນດາການຢ້ຽມຢາມ, ພົບປະຂັ້ນສູງ, ຜັນຂະຫຍາຍບັນດາການເຄື່ອນໄຫວສະເຫຼີມສະຫຼອງ 70 ປີແຫ່ງວັນສ້າງຕັ້ງການພົວພັນທາງການທູດລະຫວ່າງສອງປະເທດໃຫ້ເປັນຢ່າງດີ; ຍົກສູງປະສິດທິຜົນການຮ່ວມມືໃນບັນດາຂົງເຂດ.
ກ່ຽວກັບບັນຫາຢູ່ທະເລ, ທ່ານຮອງນາຍົກລັດຖະມົນຕີ ຫວຽດນາມ ຟ້າມບິ່ງມິງ ຢັ້ງຢືນວ່າ ຫວຽດນາມ ຈະສືບຕໍ່ສົມທົບກັບ ຈີນ ແລະ ບັນດາປະເທດຊອກຫາມາດຕະການຮັກສາສັນຕິພາບ, ສະຖຽນລະພາບຢູ່ທະເລຕາເວັນອອກ, ສ້າງຄວາມສະດວກເພື່ອເຈລະຈາກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC) ໃຫ້ບັນລຸໄດ້ໝາກຜົນຢ່າງແທດຈິງ, ເໝາະສົມກັບກົດໝາຍສາກົນ.
ທ່ານ ຫວາງອີ້ ລັດຖະມົນຕີກະຊວງການຕ່າງປະເທດ ຈີນ ໃຫ້ຮູ້ວ່າ ຈີນ ຈະຕັ້ງໜ້າສົມທົບກັນແກ້ໄຂບັນດາບັນຫາທີ່ຍັງຄົງຄ້າງໃນບັນດາໂຄງການການຮ່ວມມືລະຫ່ວາງສອງປະເທດ ແລະ ຫວັງວ່າສອງຝ່າຍຈະສືບຕໍ່ຮ່ວມມືຢ່າງແທດຈິງໃນບັນດາຂົງເຂດ.
 ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ຟ້າມບິ່ງມິງ ແລະ ທ່ານສະເຫລີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ລາວ (ພາບ: VGP) |
ທີ່ການພົບປະສອງຝ່າຍກັບ ທ່ານສະເຫລີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ລາວ, ລັດຖະມົນຕີສອງທ່ານໄດ້ຕີລາຄາສູງຜົນການເຄື່ອນໄຫວການຕ່າງປະເທດສຳຄັນຂອງປະເທດທີໄດ້ດຳເນີນໃນມໍ່ໆມານີ້; ເຫັນດີຜັນຂະຫຍາຍປະສິດທິຜົນຂອງຂໍ້ຕົກລົງວ່າດ້ວຍການຮ່ວມມືລະຫ່ວາງສອງກະຊວງການຕ່າງປະເທດໄລຍະ 2014-2020; ສືບຕໍ່ສົມທົບກັນຢ່າງແໜ້ນແຟ້ນໃນບັນດາເວທີປາໄສພື້ນຖານ ແລະ ສາກົນ, ເປັນຕົ້ນແມ່ນໃນປີ 2020 ເມື່ອ ຫວຽດນາມ ດຳລົງຕຳແໜ່ງເປັນປະທານ ອາຊຽນ ແລະ ກຳມະການບໍ່ປະຈຳການສະພາຄວາມໝັ້ນຄົງສະຫະປະຊາຊາດ, ໃນຂະນະທີ່ ລາວ ແມ່ນປະເທດເຈົ້າພາບຂອງຫຼາຍກົນໄກອະນຸພື້ນຖານ ແມ່ຂອງ ສຳຄັນ ແລະ ແມ່ນປະເທດປະສານງານການພົວພັນ ອາຊຽນ - ອາເມລິກາ.